செய்திகள் வணிகம்
ரஹ்மா திட்டத்தில் இணைந்தது ஏர்ஆசியா சூப்பர்ஆப்
* 5 இடங்களுக்கு 1 ரிங்கிட்டில் பயணம் செய்யலாம்
கோலாலம்பூர்:
அரசாங்கத்தின் ரஹ்மா திட்டத்தில் ஏர்ஆசியா சூப்பர்ஆப் இணைந்துள்ளது என்று கேப்பிட்டல் ஏ நிறுவனத்தின் தலைமை நிர்வாக அதிகாரி டான்ஸ்ரீ டோனி பெர்னாண்டஸ் கூறினார்.
கேப்பிட்டல் ஏ நிறுவனத்தின் கீழ் ஏர்ஆசியா விமான நிறுவனம், ஹோட்டல், கார் வாடகை உட்பட பல துறைகளில் கால்பதித்து உள்ளது.
இந்நிலையில் கேப்பிட்டல் ஏவின் ஏர்ஆசியா சூப்பர்ஏப் தற்போது அரசாங்கத்தின் ரஹ்மா திட்டத்தில் இணைந்துள்ளது.
ஏர்ஆசியா ரைட் எனும் வாடகை காரில் கிள்ளான் பள்ளத்தாக்கில் உள்ள 5 இடங்களுக்கு 1 ரிங்கிட்டில் பயணிக்கலாம்.
புத்ராஜெயா, சைபர்ஜெயா, புக்கிட் பிந்தாங், பண்டார் சன்வே, பங்சார் சௌத், மோண்ட் கியாரா ஆகிய இடங்களுக்கு திங்கள் முதல் வெள்ளி வரை மதியம் 12 மணிக்கு மேல் இந்த சலுகையை பெறலாம்.
பயணக் கட்டணம் 5 ரிங்கிட்டுக்குள் இருந்தால் இந்த சலுகை வழங்கப்படும்.
ஒரு நாளைக்கு முதலில் பதிவு செய்யும் 3 ஆயிரம் பேருக்கு இந்த சலுகையை பெறுவார்கள்.
அதே வேளையில் ஏர்ஆசியா விமானத்தில் உள்ளூர், அனைத்துலக பயணங்களை மேற்கொள்பவர்கள் 50 ரிங்கிட் கழிவை பெறுவார்கள்.
மேலும் ஏர்ஆசியாவின் உள்ளூர் அனைத்துலக ஹோட்டல்களை பதிவு செய்பவர்களுக்கும் 50 ரிங்கிட் கழிவு வழங்கப்படுகிறது.
விமான, ஹோட்டல்களுக்கு தினசரி தலா 100 பேருக்கு இந்த கழிவு வழங்கப்படுகிறது.
ஓடிஏ செயலியின் வாயிலாக ரஹ்மா50 எனும் கோட் வாயிலாக இந்த சலுகையை மக்கள் பெறலாம் என்று டான்ஸ்ரீ டோனி பெர்னாண்டஸ் கூறினார்.
அரசாங்கத்தின் ரஹ்மா திட்டத்தில் இணைந்தது மகிழ்ச்சியளிக்கிறது. ஏர் ஆசியா சூப்பர்ஆப் மக்கள் பயன் பெறும் திட்டங்களை தொடர்ந்து அறிவிக்கும்.
குறிப்பாக ஏர்ஆசியா சூப்பர்ஏப்பின் இம்முயற்சிக்கு ஆதரவாக இருந்து அதை தொடக்கி வைத்த உள்நாட்டு வர்த்தக வாழ்க்கை செலவினத் துறை அமைச்சர் டத்தோஸ்ரீ சலாவூடின் அயூப்பிற்கு நன்றி என்று டான்ஸ்ரீ டோனி கூறினார்.
- பார்த்திபன் நாகராஜன்
தொடர்புடைய செய்திகள்
April 25, 2024, 7:30 am
இலங்கையில் உலகிலேயே மிகவும் பெரிய இரத்தினக்கல் கண்டுபிடிப்பு
April 24, 2024, 12:21 pm
ஸ்ரீ லங்கன் ஏர்லைன்ஸை வாங்க ஏர் ஆசியா உட்பட 6 முதலீட்டாளர்கள் போட்டி
April 21, 2024, 2:18 am
செரலாக்கில் அதிக சர்க்கரை இடுபொருள்: ஆய்வுக்கு இந்தியா பரிந்துரை
April 14, 2024, 8:11 am
மும்பை - கொழும்பு நேரடி விமானச் சேவையை தொடங்கியது இன்டிகோ
March 29, 2024, 12:15 pm
தமது 8-ஆவது கிளையை செந்தூலில் திறக்கின்றது இந்தியா கேட்
March 27, 2024, 6:45 am
இலங்கையில் சர்வதேச மிளகு உச்சி மாநாடு
March 26, 2024, 12:04 pm
அமெரிக்க டாலருக்கு எதிராக மலேசிய ரிங்கிட்டின் மதிப்பு சற்று உயர்வு
March 21, 2024, 9:32 am