செய்திகள் கலைகள்
'இளைய நிலா பொழிகிறதே’ பாடலின் கிடாரிஸ்ட் சந்திரசேகர் காலமானார்
சென்னை:
பிரபல கிட்டாரிஸ்ட் சந்திரசேகர் உடல்நலக்குறைவால் இன்று காலமானார். அவருக்கு வயது 79.
1982-ம் ஆண்டு வெளியான ‘பயணங்கள் முடிவதில்லை’ படத்தில் எஸ்.பி.பாலசுப்ரமணியன் குரலில் ஹிட்டடித்த ‘இளைய நிலா பொழிகிறதே’ பாடலுக்கு கிட்டார் வாசித்தவர் கிட்டாரிஸ்ட் சந்திரசேகர். அந்தப் பாடலுக்கு மட்டுமல்லாமல் தமிழ் சினிமாவின் பல சூப்பர் ஹிட் பாடல்களுக்கும் கிட்டாரிஸ்டாக பணியாற்றியவர் சந்திரசேகர்.
இசையமைப்பாளர் இளையராஜாவின் இசைக்குழுவில் அங்கம் வகித்த சந்திரசேகர், அதற்கு முன்பாக தமிழ் சினிமாவின் முன்னணி இசையமைப்பாளர்களான கே.வி.மகாதேவன், மெல்லிசை மன்னர் எம்.எஸ்.விஸ்வநாதன், இசையமைப்பாளர் சங்கர் - கணேஷ், இசையமைப்பாளர் திவாகர் ஆகியோரிடம் கிட்டாரிஸ்ட்டாக பணியாற்றியுள்ளார்.
இவருடன் இவரின் தம்பியும், 2020-ஆம் ஆண்டு மறைந்த பிரபல டிரம்மர் இசைக் கலைஞருமான புருஷோத்தமனும் பணியாற்றி வந்தார். இயக்குநர் கே.பாலசந்தர் இயக்கத்தில் கமல், ரஜினி இணைந்து நடித்த ‘மூன்று முடிச்சு’ படத்தில் எம்.எஸ்.விஸ்வநாதன் இசையில் வந்த “வசந்த கால நதிகளிலே” பாடலில் மௌத் ஆர்கன் வாசித்தவர் சந்திரசேகர்.
தமிழ் மட்டுமல்லாது கன்னடம், தெலுங்கு, மலையாளம் மற்றும் இந்தி படங்களில் பணியாற்றியுள்ளார். ஆர்.டி. பர்மன், லகஷ்மிகாந்த் - பியாரேலால் மற்றும் பப்பி லஹிரி ஆகியோரின் விருப்பத்துக்குரிய இசைக்கலைஞர் சந்திரசேகர். இந்நிலையில், அவர் உடல்நலக்குறைவு காரணமாக காலமானார். அவர் வயது 79. அவரது மறைவுக்கு இசையுலகம் இரங்கல் தெரிவித்து வருகிறது.
- ஆர்யன்
தொடர்புடைய செய்திகள்
April 18, 2024, 5:48 pm
மாற்றுத்திறனாளி குழுவினருக்கு இருசக்கர வாகனம் தந்த மாஸ்டர் ராகவா லாரன்ஸ்
April 18, 2024, 5:45 pm
கிரிஷ் லைவ் இன் மலேசியா இசை நிகழ்ச்சியில் உள்ளூர் பாடகர்களுக்கும் வாய்ப்பு: கிரிஷ்
April 18, 2024, 5:12 pm
பாடகர் கிரிஷின் இசை நிகழ்ச்சி மலேசிய வரலாற்றில் இடம் பிடிக்கும்: டத்தோஸ்ரீ சரவணன்
April 18, 2024, 10:25 am
நடிகர் சியான் விக்ரமின் 62ஆவது படத்தின் தலைப்பு வீர தீர சூரன்
April 15, 2024, 9:24 pm
நடிகர் தனுஷ் - ஐஸ்வர்யா விவாகரத்து வழக்கில் அக்.7ஆம் தேதி நீதிமன்றத்தில் ஆஜராக உத்தரவு
April 13, 2024, 12:41 pm
நடிகர் தனுஷ் தங்கள் பிள்ளை என வழக்குத் தொடுத்த தந்தை கதிரேசன் காலமானார்
April 11, 2024, 3:03 pm
Alamak Raya Lagi: மலேசியா, சிங்கப்பூரில் அதிகம் பேரைக் கவர்ந்த நோன்புப் பெருநாள் பாடல்
April 7, 2024, 1:24 pm
சிறந்த திரைப்படத்திற்கான விருதை வென்ற 'ஹாய் நான்னா'
April 7, 2024, 10:51 am
ஷங்கரின் இந்தியன் 2 திரைப்படம் ஜூன் மாதம் வெளியாகிறது
April 5, 2024, 12:35 pm