செய்திகள் உலகம்
இஸ்லாமியர் அல்லாதவர்களைக் "காஃபிர்" என்று கூறக்கூடாது: இந்தோனேசிய இஸ்லாமிய சமய மன்றம் அறிவிப்பு
ஜகார்தா:
இந்தோனேசியாவில் இஸ்லாமியர் அல்லாதவர்களைக் குறிப்பிடுவதற்கு "காஃபிர்" அல்லது இறைநம்பிக்கையற்றவர் என்ற வார்த்தையைப் பயன்படுத்தக் கூடாது என அந்நாட்டின் ஆகப்பெரிய இஸ்லாமிய அமைப்பான Nahdlatul Ulama வலியுறுத்தி உள்ளது.
அரசு - மற்றும் குடியுரிமை சார்ந்த விஷயங்களில் இஸ்லாமியர் அல்லாதவர்களை "காஃபிர்" என்று குறிப்பிடுவதற்கு அந்த அமைப்பு எதிர்ப்பு தெரிவித்தது.
இந்தோனேசியாவில் தேர்தல் நடைபெற உள்ள நிலையில், அங்கு மதம் சார்ந்த பதற்ற நிலையை தணிக்கும் நோக்கத்துடன் இந்த அறிவிப்பு வெளியாகி இருக்கலாம் எனக் கருதப்படுகிறது.
Nahdlatul உலாமா அமைப்பில் சுமார் 140 இஸ்லாமியர்கள் உறுப்பினர்களாக உள்ளனர்.
அண்மையில் நடைபெற்ற தேசிய அளவிலான மாநாட்டில் அந்த அமைப்பு மேற்குறிப்பிட்ட கருத்தை வெளியிட்டது. மேலும், இஸ்லாமியர் அல்லாதவர்களுக்கு அரசு விவகாரங்களில் சம பொறுப்பும் மதிப்பீடும் உள்ளது என்றும் அந்த அமைப்பு கூறியது.
மேலும், "இஸ்லாமியர் அல்லாதவர்கள் இனி 'முவாதின்' (muwathin) அல்லது இந்தோனேசிய முஸ்லீம்களைப் போன்று சம உரிமைகள், கடமைகள் கொண்ட குடிமக்கள் என்றே குறிப்பிடப்பட வேண்டும்," என Nahdlatul உலாமா அமைப்பின், கிழக்கு ஜாவா உலாமாக்கள் பேரவைச் செயலாளர் அஹ்மத் முன்தாஹா Ahmad Muntaha குறிப்பிட்டார்.
இது தொடர்பாக அவர் விடுத்துள்ள அறி்க்கையானது அக் குழுவின் இணையத்தளத்தில் கடந்த வெள்ளிக்கிழமை இடம்பெற்றது. அதில் எத்தகைய சமூகச் சூழலிலும் இஸ்லாமியர் அல்லாதவர்களை “kafir” என்ற வார்த்தையைப் பயன்படுத்திக் குறிப்பிடக்கூடாது என அவர் வலியுறுத்தி உள்ளார்.
மேலும், இந்தோனேசியா என்பது ஒரு நாடாக இஸ்லாமியர்களால் மட்டும் நிறுவப்படவில்லை என இம்மாநாட்டில் வலியுறுத்தப்பட்டதாக அந்த அறிக்கை தெரிவிக்கிறது.
தொடர்புடைய செய்திகள்
April 26, 2024, 3:05 pm
இலங்கை அதிபர் ரணிலின் அதிகார துஷ்பிரயோகம்: லஞ்ச ஊழல் புகார்
April 25, 2024, 10:17 am
3-ஆவது முறையாக விண்வெளிக்கு செல்கிறார் சுனிதா வில்லியம்ஸ்
April 25, 2024, 7:11 am
கொழும்பில் பல சாலைகளில் போக்குவரத்து நிலைகுத்தியது
April 25, 2024, 7:04 am
இலங்கையின் மேம்பாட்டு திட்டங்களுக்கு ஈரான் துணை நிற்கும்: ஈரான் அதிபர் வாக்குறுதி
April 24, 2024, 12:20 pm
உக்ரைனில் உள்ள கார்கிவ் தொலைக்காட்சி கோபுரம் தகர்ப்பு
April 24, 2024, 10:33 am
சட்டவிரோதமாகக் குடியேறியவர்கள் இன்னும் சில வாரங்களில் வெளியேற்றப்படுவர்: ரிஷி சுனக்
April 24, 2024, 10:30 am
காசா வடக்கு எல்லையில் வசிப்பவர்கள் உடனே வெளியேற இஸ்ரேல் உத்தரவு
April 23, 2024, 6:02 pm
பாகிஸ்தானில் ஈரான் அதிபர்
April 23, 2024, 10:16 am
80க்கும் மேற்பட்ட நிலநடுக்கங்கள்: நள்ளிரவில் குலுங்கிய தைவான்
April 22, 2024, 5:15 pm