நம்பகமான தமிழ் சிறப்பு செய்திகள்
image

செய்திகள் மலேசியா

By
|
பகிர்

உலகின் செல்வாக்குமிக்க முஸ்லிம் தலைவர்கள் வரிசையில் பிரதமர் அன்வாருக்கு 13ஆவது இடம் 

கோலாலம்பூர்: 

The Royal Islamic Strategic Studies Centre (RISSC) வெளியிட்டுள்ள 2027ஆம் ஆண்டுக்கான "The Muslim 500: The World's 500 Most Influential Muslims" பட்டியலில் பிரதமர் டத்தோஶ்ரீ அன்வார் இப்ராஹிம் உலகளவில் 13ஆவது இடத்தைப் பெற்றுள்ளார்.

ஆண்டுதோறும் வெளியிடப்படும் இந்தப் பதிப்பின் 18ஆவது பதிப்பு themuslim500.com இணையவழியில் கிடைக்கப்பெறும் நிலையில், கடந்த 2022 நவம்பரில் பாக்காத்தான் ஹராப்பான் கூட்டணியின் கீழ் ஒற்றுமை அரசாங்கத்தை வழிநடத்திவரும் 10ஆவது பிரதமராக அவர் பொறுப்பேற்றதை அது சுட்டிக்காட்டியுள்ளது.

நாட்டின் நிதி அமைச்சராகவும் திகழும் Anwar, தமது 'Malaysia MADANI'  கருத்தாக்கத்தின் வாயிலாக நாட்டின் உறுதியான பொருளாதார மற்றும் டிஜிட்டல் மாற்றத்திற்கு முன்னுரிமை அளித்து வருவதாக அந்த அறிக்கை குறிப்பிட்டுள்ளது.

செயற்கை நுண்ணறிவு (AI), குறைக்கடத்திகள், தரவு மையங்கள், மேகக் கணிமை மற்றும் எரிசக்தி மாற்றம் ஆகியவற்றை அரசாங்கத்தின் மூலோபாய செயல்திட்டங்களின் முக்கிய மையமாக அவர் நிலைநிறுத்தியுள்ளதாகவும் அதில் பாராட்டப்பட்டுள்ளது.

பிராந்திய அளவில், தென்கிழக்காசியாவில் ஆக்கப்பூர்வமான அமைதியை நிலைநாட்டுவதில் Anwar ஆற்றிய பங்கை அந்த வெளியீடு பெரிதும் பாராட்டியுள்ளது.

குறிப்பாக, கடந்த 2025 ஜூலையில் ஏற்பட்ட எல்லை மோதல்களுக்குப் பின்னர், தாய்லாந்துக்கும் கம்போடியாவுக்கும் இடையே நிலவிய பதற்றத்தைத் தணிக்கவும், இரு நாடுகளுக்கும் இடையே நம்பிக்கையை மீட்டெடுக்கவும் அவர் மேற்கொண்ட இராஜதந்திர முயற்சிகள் அதில் சிறப்பிக்கப்பட்டுள்ளன.

பிரதமராகவும் ஆசியான் (ASEAN) தலைவராகவும், புத்ராஜெயாவில் இரு நாட்டுத் தலைவர்களுக்கும் இடையிலான பேச்சுவார்த்தைகளுக்கு அவர் தலைமை தாங்கி போர்நிறுத்த ஒப்பந்தம் எட்டப்பட உதவினார்.

-மவித்திரன் 

தொடர்புடைய செய்திகள்

Copyright © 2026, நம்பிக்கை செய்திகள்

+ - reset