செய்திகள் மலேசியா
அவதூறுகளுக்கு மத்தியில் தேசிய முன்னணியை நம்பி வாக்களித்த மலாக்கா மக்களுக்கு நன்றி: டத்தோஸ்ரீ தனேந்திரன்
கோலாலம்பூர்:
பல்வேறு அவதூறுகளுக்கு மத்தியில் தேசிய முன்னணியை நம்பி வாக்களித்த
மலாக்கா மக்களுக்கு நன்றி.
மலேசிய மக்கள் சக்தி கட்சியின் தேசியத் தலைவர் டத்தோஸ்ரீ ஆர்எஸ் தனேந்திரன் இதனை கூறினார்.
மலாக்கா மாநில சட்டமன்றத் தேர்தலில் மனமார்ந்த பாராட்டுகளைத் தெரிவித்து கொள்கிறேன்.
ஜொகூர் மாநிலத்தில் தொடங்கிய நீல அலை, தொடர்ந்து நெகிரி செம்பிலான் மாநிலத்திற்குப் பரவி, தற்போது மலாக்காவிலும் வலுப்பெற்றுள்ளது.
நாட்டின் அரசியல் நிலைத்தன்மை, பொருளாதார வளர்ச்சி, பல இன மக்களிடையே சமய, சமூக நல்லிணக்கத்தைப் பேணுவதற்கு தேசிய முன்னணியின் ஆட்சியே சிறந்தது என்பதை மக்கள் உணரத் தொடங்கியுள்ளனர்.
மேலும், தற்போதைய அரசாங்கம் மக்கள் நலன், பொருளாதாரம், கல்வி சார்ந்த கடமைகளில் போதிய கவனம் செலுத்தாமல், பிரிவினை அரசியலில் ஈடுபடுவதாகவும் அவர் குற்றம் சாட்டினார்.
இதன் காரணமாகவே தென் மலேசிய மாநிலங்களில் நடைபெறும் தேர்தல்களில் தேசிய முன்னணிக்கு மக்கள் தொடர்ந்து ஆதரவு வழங்கி வருவதாகவும் அவர் கூறினார்.
மலாக்கா தேர்தலில் மூன்றில் இரண்டு பெரும்பான்மைக்கும் அதிகமான இடங்களைப் பெற்று தேசிய முன்னணி வெற்றி பெற்றிருப்பது, அக்கட்சியின் மீதான மக்களின் ஆதரவை வெளிப்படுத்துவதாக அவர் குறிப்பிட்டார்.
அடுத்ததாக நடைபெறவுள்ள சரவா, சிலாங்கூர் மாநிலத் தேர்தல்களிலும், எதிர்பார்க்கப்படும் 16ஆவது பொதுத் தேர்தலிலும் தேசிய முன்னணிக்கு மக்கள் ஆதரவு கிடைக்கும் என்ற நம்பிக்கையையும் அவர் வெளியிட்டார்.
தேர்தலில் வெற்றி பெற்ற தேசிய முன்னணித் தலைவர்கள், குறிப்பாக மஇகா தலைவர்களுக்கு வாழ்த்துகளைத் தெரிவித்த அவர், மலாக்கா மாநில வாக்காளர்களுக்கும் மக்கள் சக்தி கட்சி சார்பில் நன்றியைத் தெரிவித்துக் கொண்டார்.
- பார்த்திபன் நாகராஜன்
தொடர்புடைய செய்திகள்
November 16, 2026, 4:54 pm
பிரதமரிடம் திடீர் வெள்ளத் தடுப்பு நடவடிக்கைகளை சமர்ப்பிக்குமாறு கோலாலம்பூர் மாநகர் மன்றத்திற்கு அறிவுறுத்தல்
November 16, 2026, 4:51 pm
பத்துமலையில் நூலகத் திறப்புடன் முப்பெரும் விழா; நவம்பர் 22ஆம் தேதி பிரமாண்டமாக நடைபெறுகிறது: டான்ஸ்ரீ நடராஜா
November 16, 2026, 4:11 pm
தனியார் பள்ளி ஆசிரியர் மீது தாக்குதல் நடத்திய மாணவன் கூச்சிங் நீதிமன்றத்தில் குற்றஞ்சாட்டப்பட்டான்
November 16, 2026, 4:10 pm
என்னை ஊக்குவித்தவர்களும் வாடிக்கையாளர்களும் எனது சொந்தம்; அவர்கள் மலேசியாவில் தான் அதிகம் உள்ளனர்: தனசேகரன்
November 16, 2026, 3:04 pm
பிரான்ஸ் நாட்டின் அதிபர் இமானுவேல் மேக்ரொன் இரு நாட்கள் அதிகாரப்பூர்வ சுற்றுப்பயணமாக மலேசியா வருகை
November 16, 2026, 12:08 pm
ஆழமான குழியில் இருந்து காப்பாற்றுங்கள் என கேட்ட சத்தத்தை தொடர்ந்து முதியவர் ஒருவர் பாதுகாப்பாக மீட்கப்பட்டார்
November 16, 2026, 12:07 pm
