செய்திகள் மலேசியா
தனியார் பள்ளி ஆசிரியர் மீது தாக்குதல் நடத்திய மாணவன் கூச்சிங் நீதிமன்றத்தில் குற்றஞ்சாட்டப்பட்டான்
கூச்சிங்:
கடந்த அக்டோபர் 21ஆம் தேதி கூச்சிங்கில் உள்ள தனியார் பள்ளி ஒன்றில் கோடாரியால் ஆசிரியையைத் தாக்கியதாகக் கூறப்படும் 16 வயது மாணவன் மீது இன்று கூச்சிங் மாஜிஸ்திரேட் நீதிமன்றத்தில் குற்றஞ்சாட்டப்பட்டன
நீதிபதி லியோனா டொமினிக் மோஜிலியு முன்னிலையில் சிறுவன் ஆஜர்படுத்தப்பட்டபோது, அவனிடமிருந்து எந்தவொரு வாக்குமூலமும் உடனடியாகப் பதிவு செய்யப்படவில்லை.
இந்த வழக்கினை விசாரித்த நீதிபதி, மாணவனுக்கு மனநலப் பரிசோதனை மேற்கொள்வதற்காக அவனைச் செந்தோசா மருத்துவமனைக்கு அனுப்பி வைக்க உத்தரவிட்டு, வழக்கு விசாரணையை வரும் டிசம்பர் 17-ஆம் தேதிக்கு ஒத்திவைத்தார்.
முதல் குற்றச்சாட்டின்படி, சட்டப்பூர்வ காரணமின்றித் தடைசெய்யப்பட்ட ஆயுதமான சிறிய கோடாரியைத் தன்வசம் வைத்திருந்ததாக அந்த மாணவன் மீது குற்றம் சாட்டப்பட்டுள்ளது
இரண்டாவது குற்றச்சாட்டின்படி, சிறிய கருப்பு கோடாரியைப் பயன்படுத்தி 42 வயது பெண் ஆசிரியருக்குத் திட்டமிட்டுத் தீங்கிழைத்ததாகக் கூறப்படுகிறது.
குற்றவியல் சட்டம் பிரிவு 324-இன் கீழ், 10 ஆண்டுகள் வரை சிறைத்தண்டனை, அபராதம், பிரம்படி அல்லது இவற்றில் ஏதேனும் இரண்டும் தண்டனையாக வழங்கப்படலாம்.
மூன்றாவது குற்றச்சாட்டின்படி, உரிய அனுமதியின்றி பட்டாசுகள் மற்றும் வெடிமருந்துகள் நிரப்பப்பட்ட மாற்றப்பட்ட குளிர்பானக் கொள்கலன் போன்ற வெடிமருந்துகளை அவன் வைத்திருந்ததாகக் குற்றஞ்சாட்டப்பட்டுள்ளது.
1957-ஆம் ஆண்டு வெடிமருந்துச் சட்டம் பிரிவு 8-இன் கீழ் கொண்டுவரப்பட்ட இந்த வழக்கின் கீழ், குற்றம் நிரூபிக்கப்பட்டால் அதிகபட்சமாக 7 ஆண்டுகள் சிறைத்தண்டனை அல்லது 10,000 ரிங்கிட் அபராதம் அல்லது இரண்டும் விதிக்கப்படலாம்.
கடந்த அக்டோபர் 21-ஆம் தேதி காலை சுமார் 7.50 மணியளவில் பள்ளி வளாகத்தில் இச்சம்பவம் அரங்கேறியதாகத் தெரிவிக்கப்பட்டுள்ளது.
இதற்கிடையில், இந்தத் தாக்குதலில் காயமடைந்த ஆசிரியை மருத்துவமனையில் சிகிச்சை பெற்று வீடு திரும்பியுள்ளதாகவும், இந்தச் சம்பவம் தொடர்பாக இதுவரை 38 சாட்சிகளிடம் காவல்துறையினர் வாக்குமூலம் பதிவு செய்துள்ளதாகவும் தகவல்கள் வெளியாகியுள்ளன.
-மவித்திரன்
தொடர்புடைய செய்திகள்
November 16, 2026, 4:54 pm
பிரதமரிடம் திடீர் வெள்ளத் தடுப்பு நடவடிக்கைகளை சமர்ப்பிக்குமாறு கோலாலம்பூர் மாநகர் மன்றத்திற்கு அறிவுறுத்தல்
November 16, 2026, 4:51 pm
பத்துமலையில் நூலகத் திறப்புடன் முப்பெரும் விழா; நவம்பர் 22ஆம் தேதி பிரமாண்டமாக நடைபெறுகிறது: டான்ஸ்ரீ நடராஜா
November 16, 2026, 4:10 pm
என்னை ஊக்குவித்தவர்களும் வாடிக்கையாளர்களும் எனது சொந்தம்; அவர்கள் மலேசியாவில் தான் அதிகம் உள்ளனர்: தனசேகரன்
November 16, 2026, 4:09 pm
அவதூறுகளுக்கு மத்தியில் தேசிய முன்னணியை நம்பி வாக்களித்த மலாக்கா மக்களுக்கு நன்றி: டத்தோஸ்ரீ தனேந்திரன்
November 16, 2026, 3:04 pm
பிரான்ஸ் நாட்டின் அதிபர் இமானுவேல் மேக்ரொன் இரு நாட்கள் அதிகாரப்பூர்வ சுற்றுப்பயணமாக மலேசியா வருகை
November 16, 2026, 12:08 pm
ஆழமான குழியில் இருந்து காப்பாற்றுங்கள் என கேட்ட சத்தத்தை தொடர்ந்து முதியவர் ஒருவர் பாதுகாப்பாக மீட்கப்பட்டார்
November 16, 2026, 12:07 pm
