நம்பகமான தமிழ் சிறப்பு செய்திகள்
image

செய்திகள் மலேசியா

By
|
பகிர்

பிரதமரிடம் திடீர் வெள்ளத் தடுப்பு நடவடிக்கைகளை சமர்ப்பிக்குமாறு கோலாலம்பூர் மாநகர் மன்றத்திற்கு அறிவுறுத்தல்

கோலாலம்பூர்:

அடுத்த ஆண்டு வடகிழக்குப் பருவமழை, சூப்பர் எல் நினோ நிகழ்வு ஏற்படுவதற்கான சாத்தியக்கூறுகளுக்குத் தயாராகும் வகையில், தலைநகரில் உள்ள நிர்வாக நடைமுறைகள் மற்றும் திடீர் வெள்ளத் தடுப்பு நடவடிக்கைகளை பிரதமர் டத்தோஸ்ரீ அன்வார் இப்ராஹிமிடம் சமர்ப்பிக்குமாறு கோலாலம்பூர் மாநகர் மன்றத்திற்கு கேட்டுக்கொள்ளப்பட்டுள்ளது.

பிரதமரின் துறையின் கூட்டரசுப் பிரதேச அமைச்சர் ஹன்னா இயோ இதனை கூறினார்.

முந்தைய தடுப்பு முயற்சிகள், 2022-ல் 31 ஆக இருந்த வெள்ள அபாயப் பகுதிகளின் எண்ணிக்கையை இந்த ஆண்டு 14 ஆகக் குறைப்பதில் வெற்றி பெற்றுள்ளது.

ஆக  இந்த ஆண்டின் இறுதிக்குள் அதை 10 இடங்களாகக் குறைப்பதே இலக்கு என்றும் தெரிவித்தார்.

கோலாலம்பூர் நாடாளுமன்றத் தொகுதியில் உள்ள ஒவ்வொரு கோலாலம்பூர் மாநகர் மன்றத்தின் கிளை அலுவலகமும், மழை பெய்யும் ஒவ்வொரு முறையும் உடனடி ஒருங்கிணைந்த நடவடிக்கையை மேற்கொள்ள மேயரிடம் நேரடியாக அறிக்கை அளிக்க வேண்டும் என்றும் அவர் கூறினார்.

- பார்த்திபன் நாகராஜன்

தொடர்புடைய செய்திகள்

Copyright © 2026, நம்பிக்கை செய்திகள்

+ - reset