நம்பகமான தமிழ் சிறப்பு செய்திகள்
image

செய்திகள் மலேசியா

By
|
பகிர்

சம்பளம் மட்டுமல்ல, மாட் சாபு தனது அலவன்ஸையும் வழங்க வேண்டும்: ஜாஹித்

மலாக்கா:

குற்றத்தின் வகையைப் பொருட்படுத்தாமல், கைதிகள் தங்கள் தண்டனைக் காலத்தின் பாதியை வீட்டிலேயே அனுபவிக்க அனுமதிக்கும் ஒரு சட்ட வழிமுறையை உருவாக்கும் முயற்சிகளை முன்னெடுத்துச் செல்வதற்காக, டத்தோஸ்ரீ முகமது சாபு தனது முழு அமைச்சர் சம்பளத்தையும் நன்கொடையாக வழங்க முன்வந்ததை, டத்தோஸ்ரீ டாக்டர் அஹ்மத் ஜாஹித் ஹமிடி ஒரு நல்ல நடவடிக்கை என்று விவரித்தார்.

உண்மையில், இந்த முயற்சியில் அவர் உண்மையாகவே அக்கறை கொண்டிருந்தால், அமானா கட்சியின் தலைவர் தான் பெறும் அலவன்ஸையும் நன்கொடையாக வழங்க வேண்டும் என்று துணைப் பிரதமர் கூறினார்.

நல்லது. அது ஒரு நல்ல யோசனை. உதவுவதே நோக்கம் என்றால், அவருடைய சம்பளம் மட்டுமல்ல, அலவன்ஸையும் வழங்கப்பட வேண்டும் என்று நான் நம்புகிறேன்.என்று அவர் எளிமையாகக் கூறினார்.

இன்று இங்குள்ள மலாக்கா சர்வதேச வர்த்தக மையத்தில் நடைபெற்ற மலாக்கா மாநில அளவிலான கெமாஸ் மழலையர் பள்ளியின் விழாவில் சந்தித்தபோது அவர் இவ்வாறு கூறினார்.

குற்றத்தின் வகையைப் பொருட்படுத்தாமல், அனைத்து கைதிகளும் தங்கள் தண்டனையின் பாதியை சிறையிலும், மீதிப் பாதியை வீட்டுக் காவலில் அனுபவிக்கவும் ஒரு சட்ட வழிமுறை உருவாக்கப்பட வேண்டும் என்று முகமது இன்று ஒரு செய்தியாளர் சந்திப்பில் வலியுறுத்தினார்.

- பார்த்திபன் நாகராஜன்

தொடர்புடைய செய்திகள்

Copyright © 2026, நம்பிக்கை செய்திகள்

+ - reset