நம்பகமான தமிழ் சிறப்பு செய்திகள்
image

செய்திகள் மலேசியா

By
|
பகிர்

காடேக்கில் திடீர் வெள்ளம்: பாதிக்கப்பட்ட மக்களுக்கு நடராஜா நேரில் சென்று உதவினார்

காடேக்:

காடேக் சுற்றுவட்டாரப் பகுதிகளில் பெய்த கனமழையால் திடீர் வெள்ளப்பெருக்கு ஏற்பட்டதைத் தொடர்ந்து, உடனடியாகத் தனது குழுவினருடன் சம்பவ இடத்திற்குச் சென்று பாதிக்கப்பட்ட மக்களுக்கு உதவிகளை வழங்கப்பட்டது.

காடேக் தொகுதியின் தேசிய முன்னணி  வேட்பாளர் நடராஜா செல்லப்பா இதனை தெரிவித்தார்.

வெள்ளத்தால் பாதிக்கப்பட்ட வீடுகளில் இருந்த பொருட்களைப் பாதுகாப்பான இடங்களுக்கு மாற்றுவதற்கும், முதியவர்கள்  குழந்தைகளின் பாதுகாப்பை உறுதிப்படுத்துவதற்கும்  உதவியது.

மேலும் நிலைமை குறித்து சம்பந்தப்பட்ட அதிகாரிகளுக்குத் தகவல் தெரிவித்து உடனடி நடவடிக்கை எடுக்கப்பட்டது என்று அவர் தெரிவித்தார்.

பாதிக்கப்பட்ட குடும்பங்களின் பாதுகாப்பே தற்போதைய முதன்மையான நோக்கம்.

தேவையான உதவிகள் கிடைக்கும் வரை தொடர்ந்து களத்தில் இருந்து நிலைமையைக் கண்காணித்து உதவிகளை ஒருங்கிணைப்பேன் என்று அவர் உறுதியளித்தார்.

வெள்ள நீரில் இறங்க வேண்டாம். வீடுகளுக்குள் வெள்ள நீர் புகுந்தால் மின்சாரத்தைத் துண்டிக்க வேண்டும்.

குழந்தைகளை ஆபத்தான நீரோட்டம், வடிகால்களில் இருந்து பாதுகாப்பாக வைத்திருக்க வேண்டும் என்று பொதுமக்களுக்கு அறிவுறுத்தினார்.

அவசர உதவிக்கு 999 என்ற எண்ணைத் தொடர்பு கொள்ளுமாறும் கேட்டுக்கொண்டார்.

காடெக் மக்களின் பாதுகாப்பே எங்களின் முதன்மையான முன்னுரிமை. 

இன்பத்திலும் துன்பத்திலும் மக்களுடன் இணைந்து நிற்போம் என நடராஜா செல்லப்பா தெரிவித்தார்.

- பார்த்திபன் நாகராஜன்

தொடர்புடைய செய்திகள்

Copyright © 2026, நம்பிக்கை செய்திகள்

+ - reset