போக்குவரத்து அமைச்சர் பதவியிலிருந்து அந்தோனி லோக் விலகினார்

புத்ராஜெயா:

ஜசெக பொதுச் செயலாளர் அந்தோனி லோக் போக்குவரத்து அமைச்சர் பதவியிலிருந்து உடனடியாக அமலுக்கு வரும் வகையில் விலகியுள்ளார்.

முன்னாள் பிரதமர் நஜீப் ரசாக், தமக்கு விதிக்கப்பட்ட எஸ்ஆர்சி இன்டர்நேஷனல் தொடர்பான சிறைத்தண்டனையின் எஞ்சிய காலத்தை, இன்றைய தினம் முதல் வீட்டுக் காவலில் கழிப்பதற்கு உயர் நீதிமன்றம் அனுமதி அளித்ததைத் தொடர்ந்து இந்த முடிவு எடுக்கப்பட்டுள்ளது.

அவத் வெளியிட்டுள்ள அறிக்கையொன்றில்,

2022 டிசம்பர் முதல் போக்குவரத்து அமைச்சகத்தை வழிநடத்தும் பொறுப்பைத் தமக்கு வழங்கியதற்காகப் பிரதமர் டத்தோஸ்ரீ அன்வார் இப்ராஹிமுக்கு அந்தோனி லோக் நன்றி தெரிவித்துக் கொண்டார்.

போக்குவரத்து அமைச்சிற்கு நான் தலைமை வகித்த காலத்தில், அதன் மூத்த நிர்வாகத்தினர், பணியாளர்கள் காட்டிய அர்ப்பணிப்பு மற்றும் ஒத்துழைப்பிற்கு நான் நன்றி தெரிவித்துக் கொள்கிறேன்.

எனக்குப் பின் பொறுப்பேற்பவரிடம் பணிகளைச் சுமூகமாக ஒப்படைக்க நான் முழு ஒத்துழைப்பை வழங்குவேன்.

இதன் மூலம் அமைச்சின் பொறுப்புகளும் முன்னெடுப்புகளும் மக்களுக்காகத் தொடர்ந்து முன்னெடுத்துச் செல்லப்படுவதை உறுதி செய்வேன் என்று அவர் கூறினார்.

- பார்த்திபன் நாகராஜன்