நஜீப்பின் வீட்டுக் காவல் விவகாரத்தில், சட்டத்துறை தலைவர் அலுவலகம் தனது நிலைப்பாட்டை மாற்றிக் கொண்டுள்ளது: வழக்கறிஞர் குற்றச்சாட்டு

கோலாலம்பூர்:

நஜிப் மீதான வீட்டுக் காவல் உத்தரவைச் செயல்படுத்துவது தொடர்பாக, கடைசி நேரத்தில் சட்டத்துறை தலைவர் அலுவலகம் தனது நிலைப்பாட்டை மாற்றிக்கொண்டுள்ளது.

முன்னாள் பிரதமர் நஜீப் ரசாக்கைப் பிரதிநிதித்துவப்படுத்தும் வழக்கறிஞர் ஃபர்ஹான் ஷாஃபி இதனை குறிப்பிட்டுள்ளார்.

நேற்று சட்டத்துறை தலைவர் டான்ஸ்ரீ டுசுகி மொக்தார் வெளியிட்ட அறிக்கை, முன்னதாக அதே அலுவலகம் வெளியிட்ட ஊடக அறிக்கையிலிருந்து முற்றிலும் மாறுபட்டுள்ளது.

இது முற்றிலும் குழப்பத்தை ஏற்படுத்தியுள்ளதாக அவர்  தெரிவித்தார்.

அப்படியானால், அவர்களின் உண்மையான நிலைப்பாடுதான் என்ன?.

வீட்டுக் காவல் உத்தரவை இருவேறு விதமாகப் புரிந்துகொள்ளலாம் என்று சட்டத்துறை தலைவர் அலுவலகம் கூறுகிறதா, அல்லது அந்த உத்தரவிலேயே குறைபாடு உள்ளது என்று கூறுகிறதா?.

இவை இரண்டும் வெவ்வேறு சிக்கல்கள். ஒவ்வொன்றிற்கும் தனித்தனி தீர்வுகள் உள்ளன என்று அவர் கூறினார்.

- பார்த்திபன் நாகராஜன்