நம்பகமான தமிழ் சிறப்பு செய்திகள்
image

செய்திகள் மலேசியா

By
|
பகிர்

பகாங்கின் ஜெராண்டுட், ரொம்பினில் நாளை முதல் திடீர் வெள்ளம் ஏற்படலாம்: வானிலை ஆய்வுத் துறை

குவாந்தான்:

நாளை அதிகாலை 1 மணி முதல் வரும் சனிக்கிழமை இரவு 11.59 மணி வரை, ஜெரண்டுட், ரிம்பினில் உள்ள ஆற்றுப் படுகைப் பகுதிகளில், குறிப்பாக வெள்ள அபாயம் உள்ள, தாழ்வான, ஆபத்தான பகுதிகளில் வெள்ளப் பெருக்கு ஏற்படலாம்.

நீர்ப்பாசனம், வடிகால் துறையின் தேசிய வெள்ள முன்னறிவிப்பு எச்சரிக்கை மையம் இந்த எச்சரிக்கையை விடுத்துள்ளது.

நேற்று காலை 8.30 மணிக்கு வானிலை ஆய்வுத் துறை விடுத்த தொடர் மழை எச்சரிக்கை, வெள்ள முன்னறிவிப்பு மாதிரியைத் தொடர்ந்து இந்த வெள்ளப்பெருக்கு முன்னறிவிப்பு விடுக்கப்பட்டுள்ளது.

ஜெராண்டுட்டில் வெள்ளப்பெருக்கு ஏற்படும் என எதிர்பார்க்கப்படும் இடங்களில், 

பகாங் ஆற்றுப் பகுதியை சுற்றியுள்ள ஐந்து கிலோமீட்டர் தொலைவிற்குள் உள்ள தாழ்வான பகுதிகளான பிளாக் 11-இல் உள்ள பெருமஹான் பெல்டா ஜெங்கா 24, தாமான் ரியா, பெருமஹான் சுங்கை ஜான், பெல்டா கெலாங்கி 1 மற்றும் 3, கம்போங் பாரு, கம்போங் பெசூல், கம்போங் ஜெராங்சாங் ஆகியவை அடங்கும்.

மேலும் ரொம்பின் சம்பந்தப்பட்ட இடங்கள் கம்போங் ஹவுரில் உள்ள ரொம்பின் ஆற்றுப் பகுதியைச் சுற்றி ஐந்து கிலோ மீட்டருக்குள் உள்ள தாழ்வான பகுதிகளை இது உள்ளடக்கியுள்ளது.

ஆக மக்கள் முன்னெச்சரிக்கையாக இருக்குமாறு அம்மையம் கேட்டுக் கொண்டுள்ளது.

- பார்த்திபன் நாகராஜன்

தொடர்புடைய செய்திகள்

Copyright © 2026, நம்பிக்கை செய்திகள்

+ - reset