நம்பகமான தமிழ் சிறப்பு செய்திகள்
image

செய்திகள் மலேசியா

By
|
பகிர்

நஜிப்பின் பொதுமன்னிப்பு உத்தரவை எதிர்ப்பது  மாமன்னரின் உத்தரவை மீறுவதாகக் கருதப்படலாம்: இஸ்தானா நெகாரா

கோலாலம்பூர்:

டத்தோஸ்ரீ நஜிப் அப்துல் ரசாக்கிற்கு எதிரான நிபந்தனைக்குட்பட்ட பொதுமன்னிப்பு உத்தரவை எதிர்க்கும் எந்தவொரு வாதமும், மாட்சிமை தங்கிய மாமன்னர் சுல்தான் இப்ராஹிமின் உத்தரவை மீறும் செயலாகக் கருதப்படுகிறது.

இன்று இஸ்தானா நெகாராவால் வெளியிடப்பட்ட உத்தரவின்படி, 

நிபந்தனைக்குட்பட்ட பொதுமன்னிப்பு உத்தரவில் உள்ள அனைத்து நிபந்தனைகளும் பூர்த்தி செய்யப்பட்டுள்ளன.

மேலும் அதன் அமலாக்கம் குழப்பத்தையோ அல்லது நீடித்த நிச்சயமற்ற தன்மையையோ ஏற்படுத்தக்கூடாது.

மேலும், இந்த பொதுமன்னிப்பு உத்தரவு தெளிவானது. எந்தவிதமான குழப்பமும் அற்றது.

நஜிப் எதிர்கொள்ளும் வேறு எந்த வழக்கோடும் இதற்குத் தொடர்பில்லை என்றும் அந்த உத்தரவு வலியுறுத்தியுள்ளது.

2026 செப்டம்பர் 18ஆம் தேதியன்று, கோலாலம்பூர், லாபுவான், புத்ராஜெயா கூட்டரசுல் பிரதேசங்களுக்கான பொதுமன்னிப்பு வாரியம், கூட்டாட்சி அரசியலமைப்பின் 42ஆவது பிரிவின் கீழ் நஜிப்பின் மனுவை ஆய்வு செய்துள்ளது.

கூட்டரசுல் பிரதேச அமைச்சர்,  தலைமை வழக்கறிஞரும் கலந்துகொண்ட மன்னிப்பு வாரியக் கூட்டம், பின்னர் மாமன்னர் உரிய ஆலோசனையை வழங்கியது.

50 மில்லியன் ரிங்கிட் அபராதம் செலுத்தும் நிபந்தனைக்கு உட்பட்டு, நஜிப் தனது மீதமுள்ள சிறைத் தண்டனையை வீட்டுக் காவலில் அனுபவிக்க வேண்டும் என்று மாமன்னர் மேலும் உத்தரவிட்டார் என்று அந்த அறிக்கை தெரிவித்தது.

- பார்த்திபன் நாகராஜன்

தொடர்புடைய செய்திகள்

Copyright © 2026, நம்பிக்கை செய்திகள்

+ - reset