நம்பகமான தமிழ் சிறப்பு செய்திகள்
image

செய்திகள் மலேசியா

By
|
பகிர்

தாமான் ஸ்ரீ அலாம் நீர்த்தேக்கம் நிரம்பி வழிந்ததால் ஏற்பட்ட வெள்ளத்தால் 200 குடும்பங்கள் பாதிப்பு

கோல சிலாங்கூர்:

சௌஜனா உத்தாமா, தாமான் ஸ்ரீ அலாம் பகுதியில், நீர்த்தேக்கத்தில் இருந்து நீர் நிரம்பி வழிந்ததைத் தொடர்ந்து, சுமார் 200 குடும்பங்கள் வெள்ளத்தால் பாதிக்கப்பட்டதாகத் தெரிவிக்கப்பட்டுள்ளது.

நீண்ட நேரம் பெய்த மழையைத் தொடர்ந்து, நீர்த்தேக்கத்தில் இருந்து நீர் நிரம்பி வழிந்து குடியிருப்பாளர்களின் வீடுகளுக்குள் புகுந்ததாக, சௌஜனா உத்தாமா குடியிருப்போர் பிரதிநிதிகள் சபையின் உள்கட்டமைப்பு, சமூக மேம்பாட்டுத் தலைவர் வான் இஸ்மாயில் ஹாஷிம் கூறினார்.

முந்தைய சம்பவங்களைப் போல அப்பகுதியில் உள்ள நீர்த்தேக்கம் உடைந்து போகவில்லை.

மாறாக, அதன் கொள்ளளவால் நீரைத் தாங்க முடியாதபோது நிரம்பி வழிந்தது.

முதற்கட்ட மதிப்பீடுகளின்படி, தாமான் ஸ்ரீ அலாம் பகுதியில் நீர்த்தேக்கத்தில் இருந்து நீர் நிரம்பி வழிந்ததால் சுமார் 200 குடும்பங்கள் பாதிக்கப்பட்டுள்ளன.

நீர் மட்டம் பகுதிக்கு பகுதி மாறுபடுகிறது. சில இடங்களில் முழங்கால் ஆழம் உள்ளது.

ஆனால் ஸ்ரீ ஆலம் பகுதியில் பாதிக்கப்பட்ட பெரும்பாலான வீடுகளில், நீர் சுமார் 0.3 மீட்டர் ஆழம் இருப்பதாக மதிப்பிடப்பட்டுள்ளது என்று அவரைத் தொடர்பு கொண்டபோது கூறினார்.

- பார்த்திபன் நாகராஜன்

தொடர்புடைய செய்திகள்

Copyright © 2026, நம்பிக்கை செய்திகள்

+ - reset