மென்செஸ்டர் யுனைடெட் அணிக்கு தொடர்ந்து பயிற்சியாளராக இருப்பதில் ஆச்சரியமில்லை: கேரிக்

லண்டன்:

அணியின் மோசமான செயல்பாட்டைத் தொடர்ந்து தொடர்ச்சியான அழுத்தங்கள் இருந்தபோதிலும், மென்செஸ்டர் யுனைடெட் அணியை நிர்வகிக்கும் பொறுப்பு இன்னும் தன்னிடம் ஒப்படைக்கப்பட்டிருப்பதில் தனக்கு ஆச்சரியமில்லை.

அதன் நிர்வாகி மைக்கல் கேரிக் இதனை வலியுறுத்துகிறார். 

அதே நேரத்தில், ஓல்ட் டிராபோர்டில் உள்ள சூழ்நிலையை மேம்படுத்துவதிலேயே தனது கவனம் இருப்பதாக அவர் கூறுகிறார்.

நாளை சனிக்கிழமை செல்சியாவுக்கு எதிரான பிரிமியர் லீக் போட்டிக்கு முன்னதாக, தனது பதவி குறித்து நிர்வாகத்திடமிருந்து எந்த உறுதிமொழிகளும் தேவையில்லை என்று 45 வயதான அந்த நிர்வாகி கூறினார்.

கடந்த ஞாயிற்றுக்கிழமை போர்ஸ்மௌத் அணிக்கு எதிராக சொந்த மண்ணில் 3-0 என்ற கோல் கணக்கில் அடைந்த தோல்வி உட்பட, யுனைடெட் அணி தனது கடைசி எட்டு ஆட்டங்களில் வெற்றி பெறத் தவறியதால், கேரிக் கடுமையான அழுத்தத்தில் உள்ளார்.

இந்த முடிவின் காரணமாக, எட்டு லீக் ஆட்டங்களில் இருந்து ஏழு புள்ளிகளை மட்டுமே பெற்று, தரமிறங்கும் மண்டலத்திற்கு மேலே வெறும் ஒரு புள்ளி வித்தியாசத்தில் இந்த இங்கிலாந்து ஜாம்பவான்கள் உள்ளனர்.

இது கடந்த 40 ஆண்டுகளில் ஒரு தொடரில் அவர்கள் பெற்ற மிக மோசமான தொடக்கமாகும்.

- பார்த்திபன் நாகராஜன்