உலகின் சிறந்த வீரருக்கான பலோன் டி'ஓர் விருதை ஹாரி கேய்ன் வென்றார்

லண்டன்:

பாயர்ன் முனிச், இங்கிலாந்து அணியின் முன்கள வீரரான ஹாரி கேய்ன், உலகின் தலை சிறந்த கோல் அடித்த வீரர்களில் ஒருவராகத் தன்னை நிலைநிறுத்திக் கொண்ட ஒரு சிறப்பான பருவத்தைத் தொடர்ந்து, 2026 ஆம் ஆண்டின் பலோன் டி' ஓர் வெற்றியாளராக அறிவிக்கப்பட்டுள்ளார்.

2001இல் மைக்கேல் ஓவனுக்குப் பிறகு, 25 ஆண்டுகளில் இந்த மதிப்புமிக்க விருதை வென்ற முதல் இங்கிலாந்து வீரர் என்ற பெருமையை கேய்ன் பெற்றார்.

இங்கிலாந்து அணியின் கேப்டனான இவர், பாயர்ன் முனிச் அணிக்காக அனைத்துப் போட்டிகளிலும் 51 ஆட்டங்களில் பங்கேற்று 61 கோல்களை அடித்தார்.

இதன் மூலம், ஜெர்மன் கிளப் உள்நாட்டுப் போட்டிகளில் லீக், கிண்ணம் என இரட்டை வெற்றியைப் பெற உதவினார்.

மேலும், உலகக் கிண்ண அரையிறுதிக்கு இங்கிலாந்தை வழிநடத்துவதில் கேய்ன் முக்கியப் பங்காற்றினார்.

அந்தத் தொடர் முழுவதும் ஆறு கோல்களை அடித்து பங்களித்தார் என்பது குறிப்பிடத்தக்கது.

இதனிடையே ஸ்பெயின் நட்சத்திர வீராங்கனை அலெக்ஸியா புடெல்லாஸ், கடுமையான காயங்களால் அவதிப்பட்ட பிறகு மீண்டும் களத்திற்குத் திரும்பி, தனது விளையாட்டு வாழ்க்கையின் மூன்றாவது பலோன் டி' ஓர் விருதை வென்றதன் மூலம், தான் இன்னும் உலகின் தலைசிறந்த வீராங்கனைகளில் ஒருவர் என்பதை நிரூபித்தார்.

- பார்த்திபன் நாகராஜன்