சவூதி புரோ லீக் போட்டியில் அல் நசர் அணி அபாரம்: 985 கோல் அடித்த ரொனால்டோ

ரியாத்:

சவூதி புரோ லீக் கிண்ண கால்பந்து போட்டியில் அல் நசர் அணியினர் அபார வெற்றியை பதிவு செய்தனர்.

அல் அவால் பார்க் அரங்கில் நடைபெற்ற ஆட்டத்தில் அல் நசர் அணியினர் அல் கோலோட் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய அல் நசர் அணியினர் 5-3 என்ற கோல் கணக்கில் அல் கோலோட் அணியை வீழ்த்தி வெற்றி பெற்றனர்.

அல் நசர் அணிக்காக கிறிஸ்டியானோ ரொனால்டோ ஹாட்ரிக் கோல்களை அடித்தார்.

மற்ற கோல்களை அங்காலோ கேப்ரியல், சாடியோ மனே ஆகியோர் அடித்தனர்.

இவ்வாட்டத்தில் ஹாட்ரிக் கோல்களை அடித்ததன் மூலம் ரொனால்டோ தனது கால்பந்து வாழ்க்கையில் 985ஆவது கோலை அடித்துள்ளார்.

மேலும் அவர் 1000 கோல் என்ற இலக்கை நோக்கி முன்னேறுகிறார் என்பது குறிப்பிடத்தக்கது.

மற்ற இரு ஆட்டங்களில் அல் கட்ஷியா, அல் கலீஜ் ஆகிய அணிகள் வெற்றி பெற்றன.

- பார்த்திபன் நாகராஜன்