பான் போர்னியோ நெடுஞ்சாலை ஐந்து ஆண்டுகள் தாமதம்: பொதுக் கணக்குக் குழு விசாரணையைத் தொடங்கியது

கோலாலம்பூர்:

சபா பான் போர்னியோ நெடுஞ்சாலை முதல் கட்டத் திட்டத்தின் நிதி நிர்வாகம்,  அதன் செயல்பாட்டு முறைமைகள் குறித்து நாடாளுமன்றத்தின் பொதுக் கணக்குக் குழு ஒரு விசாரணையைத் தொடங்கும்.

பொதுக் கணக்குக் குழுவின் தலைவர் டத்தோ மாஸ் எர்மியேதி சம்சுடின் இதனை கூறினார்.

கடந்த 2026 அக்டோபர் 7, புதன்கிழமை அன்று தேவன் ரக்யாத்தில் விவாதிக்கப்பட்ட தலைமைத் தணிக்கையாளரின் அறிக்கை தொடர் 2/2026-இல் வெளிப்படுத்தப்பட்ட தகவல்களைத் தனது கட்சி தீவிரமாகக் கருதுவதாக அவர்  கூறினார்.

பொதுப் பண நிர்வாகத்தில் பல்வேறு குறிப்பிடத்தக்க பலவீனங்களை அந்த அறிக்கை வெளிப்படுத்தியுள்ளது.

நிதி விதிகள்,  நடைமுறைகளைப் பின்பற்றாதது, மோசமான திட்ட நிர்வாகத்தால் ஏற்படும் அதிகப்படியான செலவினங்கள், குறிப்பாக மக்களுக்கு நேரடியாகப் பயனளிக்கும் திட்டங்களில், கேள்விக்குட்பட்ட இந்த நெடுஞ்சாலைத் திட்டம் உட்பட, ஏற்படும் அதிகப்படியான தாமதங்கள் ஆகியவை இதில் அடங்கும்.

இதன் முதல் கட்டத் திட்டமானது, 706 கிலோமீட்டர் தூரத்திற்கான 35 பணித் தொகுப்புகளை உள்ளடக்கியது.

இத்திட்டம் 69 மாதங்களுக்குச் செயல்படுத்தப்பட்டு, 2021 ஆம் ஆண்டின் இறுதிக்குள் முழுமையாக நிறைவடையும் என எதிர்பார்க்கப்படுகிறது என்று அவர் கூறினார்.

- பார்த்திபன் நாகராஜன்