இந்தோனேசியாவில் ஏற்பட்ட காட்டுத்தீயை அணைக்க மலேசியா விமானங்களையும், 3 ஹெலிகாப்டர்களையும் அனுப்புகிறது: ஜாஹித்

புத்ராஜெயா:

இந்தோனேசியா தற்போது வடகிழக்குப் பருவமழைக்கு தயாராகி வரும் நிலையிலும், வட்டார புகைமூட்டத்தை ஏற்படுத்திய காட்டுத் தீயை அணைக்கும் பணியில் மலேசியா தொடர்ந்து இந்தோனேசியாவிற்கு உதவும்.

அண்டை நாட்டில் நடைபெறும் ஒட்டுமொத்த தீயணைப்பு நடவடிக்கைகளுடன் ஒப்பிடுகையில், வழங்கப்படும் வளங்களும் பணியாளர்களின் எண்ணிக்கையும் குறைவாக இருந்தாலும், இந்த உதவியைத் தொடர மலேசியா உறுதிபூண்டுள்ளது என்று துணைப் பிரதமர் டத்தோஶ்ரீ  டாக்டர் அஹ்மத் ஜாஹித் ஹமிடி கூறினார்.

இந்தோனேசியாவில் புகைமூட்டத்தை ஏற்படுத்தி, இறுதியில் மலேசியா, சிங்கப்பூர், திமோர்-லெஸ்தே, இந்தோனேசியாவையே பாதித்த ஒட்டுமொத்த தீயணைப்பு முயற்சிகளுடன் ஒப்பிடுகையில், நமது வளங்கள் குறைவாகவும், பணியாளர்களின் எண்ணிக்கை குறைவாகவும் இருந்தாலும், இந்த உதவியைத் தொடர நாங்கள் உறுதிபூண்டுள்ளோம்.

இன்று நடைபெற்ற 2026 சாலைப் பாதுகாப்பு மாநாட்டைத் தொடங்கி வைத்த பிறகு அவர் இவ்வாறு கூறினார்.

தீயை அணைக்க உதவுவதற்காக, ஒரு பாம்பார்டியர் விமானம், மூன்று ஹெலிகாப்டர்கள் மற்றும் 52 பணியாளர்களை இந்தோனேசியாவிற்கு அனுப்ப மலேசியா தயாராக உள்ளது என்று டத்தோஶ்ரீ அஹ்மத் ஜாஹித் கூறினார்.

- பார்த்திபன் நாகராஜன்