ஷாரா மரண விசாரணை முடிவுகள்: ஜனவரி 15ஆம் தேதி அறிவிக்கப்படும்

கோத்தாபாலு:

கோத்தா கினபாலு மரண விசாரணை நீதிமன்றம், ஷாரா கைரினா மகாதீரின் மரணம் குறித்த விசாரணையின் முடிவுகளை ஜனவரி 15 அன்று அறிவிக்கும் என எதிர்பார்க்கப்படுகிறது.

விசாரணையில் சம்பந்தப்பட்ட அனைத்து தரப்பினருடனும் கலந்தாலோசித்து, டிசம்பர் 15ஆம் தேதிக்கு முன்னரோ அல்லது அன்றோ தங்களது எழுத்துப்பூர்வமான சமர்ப்பிப்புகளைச் சமர்ப்பிக்குமாறு கேட்டுக்கொண்ட பின்னர், மரண விசாரணை அதிகாரி அமீர் ஷா அமீர் இந்தத் தேதியை நிர்ணயித்தார்.

96 நாட்கள் நீடித்த இந்த விசாரணை நடவடிக்கைகள் நேற்று முடிவடைந்தது.

பாப்பரில் உள்ள தனது பள்ளி விடுதியில் ஒரு வடிகால் அருகே மயக்க நிலையில் கண்டெடுக்கப்பட்ட ஒரு நாள் கழித்து, ஷாரா ஜூலை 17, 2025 அன்று கோத்தா கினபாலுவில் உள்ள குயின் எலிசபெத் மருத்துவமனையில் உயிரிழந்தார்.

அவரது உடல் ஆகஸ்ட் 9 அன்று தோண்டி எடுக்கப்பட்டு, மறுநாள் மருத்துவமனையின் தடயவியல் மருத்துவத் துறையால் பிரேதப் பரிசோதனை நடத்தப்பட்டது.

ஆகஸ்ட் 20 அன்று, ஷாராவை நோக்கி அவதூறான வார்த்தைகளைப் பயன்படுத்திய குற்றச்சாட்டின் பேரில், மாணவர்கள் ஏ, பி, சி, டி, இ என அறியப்படும் ஐந்து சிறார்கள் மீது கோத்தா கினபாலு நீதிமன்றத்தில் வழக்கு பதிவு செய்யப்பட்டது.

- பார்த்திபன் நாகராஜன்