பொது நிதியிலிருந்து திருடப்பட்ட பில்லியன் கணக்கான ரிங்கிட்; அது மாணவர்களுக்காக ஒதுக்கப்பட்டிருக்க வேண்டும்: பிரதமர்

கோலாலம்பூர்:

கல்விக்காகவும் குழந்தைகளின் எதிர்காலத்திற்காகவும் பயன்படுத்தப்பட்டிருக்க வேண்டிய பில்லியன் கணக்கான ரிங்கிட்டை, ஊழல்வாதிகள் தங்கள் சொந்த நலன்களுக்காகத் திருடியிருக்கக் கூடாது.

பிரதமர் டத்தோஶ்ரீ அன்வஅர் இப்ராஹிம் இதனை வலியுறுத்தினார்.

பில்லியன் கணக்கான பணம் நமது மாணவர்களுக்கும் குழந்தைகளுக்கும் பயன்படுத்தப்பட்டிருக்க வேண்டும், ஊழல்வாதிகளால் திருடப்பட்டிருக்கக் கூடாது. இதை என்னால் ஏற்றுக்கொள்ள முடியாது.

மலேசியாவின் முக்கியப் பிரச்சனை இனம் அல்லது மதம் தொடர்பானது அல்ல, மாறாக ஊழல், வரம்புமீறல்கள் மற்றும் அதிகார துஷ்பிரயோகம் ஆகியவற்றைப் பாதுகாக்க இவ்விரண்டையும் பயன்படுத்தும் தனிநபர்கள்தான் காரணம்.

தங்கள் சொந்தக் குடும்பக் கணக்குகளுக்காக பில்லியன் கணக்கான ரிங்கிட்டைச் செலவழிப்பவர்கள் இருக்கிறார்கள்.

ஆனால் இந்த விஷயம் வெளிப்படும்போது, ​​மலாய்க்காரர்கள், இஸ்லாத்தின் உயிர்வாழ்விற்காகப் போராடுகிறோம் என்ற சாக்கைப் பயன்படுத்துகிறார்கள் என்று அவர் குற்றம் சாட்டினார்.

மலேசியாவில் உள்ள பிரச்சனை இனம் அல்லது மதம் பற்றியது அல்ல; தங்களின் வரம்பு மீறிய செயல்களை மறைப்பதற்காக இனத்தையும் மதத்தையும் பயன்படுத்தும் மோசடிக்காரர்கள்தான் பிரச்சனை என்று அவர் வலியுறுத்தினார்.

மாணவர்கள், தலைவர்கள் உட்பட யார் வேண்டுமானாலும் தவறுகள் செய்யலாம். ஆனால் தவறுகளை ஒப்புக்கொண்டு அவற்றைச் சரிசெய்ய நடவடிக்கை எடுப்பதற்கான விருப்பமே மிக முக்கியமானது என்று டத்தோஶ்ரீ அன்வார் கூறினார்.

- பார்த்திபன் நாகராஜன்