கடுமையான புகைமூட்டம் காரணமாக செனாய் விமான நிலைய செயல்பாடுகளில் தடங்கல் 

ஜொகூர் பாரு: 

ஜொகூர் மாநிலத்தில் கடுமையான புகைமூட்டம் காரணமாக செனாய் அனைத்துலக விமான நிலையத்தில் விமான சேவைகளில் தடங்கல் ஏற்பட்டுள்ளது 

விமான சேவைகளில் தடங்கல் ஏற்பட்டுள்ளதால் தரையிறங்க வேண்டிய விமானம் KLIA விமான நிலையத்திற்கோ அல்லது CHANGI விமான நிலையத்திற்கோ மாற்றிவிடப்படலாம் என்று போக்குவரத்து அமைச்சர் அந்தோனி லோக் கூறினார். 

"தரையிறங்குவதற்கான கட்டுப்பாடுகளுக்கு மேலதிகமாக, புறப்படும் விமானங்கள் தங்கள் புறப்பாட்டைத் தாமதப்படுத்துமாறு அறிவுறுத்தப்பட்டன," என்று லோக் கூறியதாக மேற்கோள் காட்டப்பட்டுள்ளது.

ஜொகூர் மாநிலத்தின் எட்டு இடங்களில் காற்றின் தரம் மிக மோசமாக உள்ளதாக தெரிவிக்கப்பட்டுள்ளது 

குறிப்பாக, சிகாமாட் 189ஆகவும் குளுவாங் 181ஆகவும் பாசீர் கூடாங் 175ஆகவும் கோத்தா திங்கியில் 161ஆகவும் காற்றின் தரம் மதிப்பிடப்பட்டுள்ளது

-மவித்திரன்