கோலா பிலாவில் 14 வயது மாணவனைக் கொலை செய்த சம்பவம்: இரு 4ஆம் படிவ மாணவர்கள் மீது குற்றஞ்சாட்டப்பட்டது

கோலா பிலா: 

கடந்த மாதம் பள்ளி தங்கும் விடுதியில் 2ஆம் படிவ மாணவனைக் கொலை செய்ததாக இரு 4ஆம் படிவ மாணவர்கள் இன்று கோலா பிலா மாஜிஸ்திரெட் நீதிமன்றத்தில் குற்றஞ்சாட்டப்பட்டனர். 

நீதிபதி ரொஸ்லிண்டா ரசாலி முன்னிலையில் கொலை குற்றச்சாட்டு வாசிக்கப்பட்டபோது குற்றஞ்சாட்டப்பட்ட 16 வயது மாணவர்களிடம் எந்தவொரு வாக்குமூலமும் பதிவு செய்யப்படவில்லை. 

கொலை குற்றச்சாட்டு உயர்நீதிமன்றத்தின் வரம்பிற்கு உட்பட்டதால் அவர்களிடம் வாக்குமூலம் பெறவில்லை.

செப்டம்பர் 25 ஆம் தேதி மாலை 7.30 மணிக்கும் 8.50 மணிக்கும் இடைப்பட்ட நேரத்தில், கோலா பிலாவில் உள்ள ஒரு ஆண்கள் பள்ளியின் விடுதியில் 14 வயதான இட்லான் ஃபரீக் ஷாரில் என்பவரைக் கொலை செய்ததாக அவர்கள் மீது குற்றம் சாட்டப்பட்டுள்ளது.

மரண தண்டனை அல்லது 30 முதல் 40 ஆண்டுகள் வரை சிறை தண்டனை. 12 கசையடிகள் என வகைப்படுத்தப்படும் குற்றவியல் சட்டம் செக்‌ஷன் 302 கொலை குற்றச்சாட்டின் கீழ் இந்த குற்றச்சாட்டு கொண்டு வரப்பட்டது 

இந்த வழக்கின் விசாரணை டிசம்பர் 7ஆம் தேதி நிர்ணயிக்கப்பட்டதாக மாணவர்கள் சார்பாக ஆஜரான வழக்கறிஞர் ஹனிஃப் ஹசான் கூறினார்.

-மவித்திரன்