அவர்கள் ஒன்றாக நடந்து செல்வதை நான் பார்த்தேன்: கழுத்தை நெரித்துக் கொல்லப்பட்ட மாணவியின் அண்டை வீட்டுக்காரர்

கோலாலம்பூர்:

நேற்று இரவு அவர்கள் ஒன்றாக நடந்து செல்வதை நான் பார்த்தேன். அந்தப் பெண் இறந்துவிட்டார் என்பதை அறிந்து அதிர்ச்சியடைந்தேன்.

இங்குள்ள ஜாலான் ஆயர் பூத்தேவில் உள்ள ஒரு வீட்டில், தனது காதலனால் கழுத்தை நெரித்துக் கொல்லப்பட்டதாக நம்பப்படும் நிலையில் சடலமாகக் கண்டெடுக்கப்பட்ட பாலிடெக்னிக் மாணவியின் அண்டை வீட்டுக்காரரான ஒரு பெண் கூறினார்.

தனது அடையாளத்தை வெளியிட விரும்பாத 40 வயதுகளில் உள்ள அந்தப் பெண், 

19 வயதான அந்த மாணவி, அவர் சடலமாகக் கண்டெடுக்கப்படுவதற்கு சில மணி நேரங்களுக்கு முன்பு, இங்குள்ள ஜாலான் ஆயர் பூத்தே சாலையைச் சுற்றி சந்தேக நபருடன் நடந்து செல்வதைக் கண்டதாகக் கூறினார்.

இரவு சுமார் 9 மணியளவில் அந்த ஜோடி பிரதான சாலையில் நடந்து செல்வதைக் கண்டதாக அவர் கூறினார்.

நான் அவர்களை நேற்று இரவு பார்த்தேன். இன்று காலை சுமார் 6 மணியளவில் அந்தப் பெண்ணின் மரணத்தைப் பற்றி என்னிடம் கூறியபோது மிகவும் அதிர்ச்சியடைந்தேன்.

அவள் ஒரு அன்பான மற்றும் பண்பான நபர் என்று எனக்குத் தெரியும்.

பாதிக்கப்பட்ட பெண்ணும், இங்குள்ள பாலிடெக்னிக்கில் படிக்கும் அவரது மூன்று நண்பர்களும், என் வீட்டிற்கு அருகில் உள்ள மூன்று மாடி வீட்டில் இரண்டு அறைகளை வாடகைக்கு எடுத்திருந்தனர்.

அவர்கள் ஒன்றாக நடந்து செல்வதையோ அல்லது வகுப்பிற்குச் செல்ல இ-ஹெய்லிங் சேவைகளைப் பயன்படுத்துவதையோ நான் வழக்கமாகப் பார்க்கிறேன் என்று இன்று இங்கு சம்பவ இடத்தில் சந்தித்தபோது அவர் கூறினார்.

அந்தப் பெண்ணின் கூற்றுப்படி, சம்பந்தப்பட்ட நான்கு மாணவர்களும் சுமார் ஆறு மாதங்களாக அந்த வீட்டில் தங்கியிருந்தனர் மற்றும் அடிக்கடி ஜோடி ஜோடியாக அக்கம்பக்கத்தில் நடந்து செல்வார்கள்.

அவர்கள் வழக்கமாக அருகிலுள்ள உணவகங்களுக்கோ அல்லது பல்பொருள் அங்காடிகளுக்கோ நடந்து செல்வார்கள். 

இந்தச் சம்பவம் எப்படி நடந்தது என்றோ அல்லது சந்தேக நபர் ஏன் அந்த வீட்டில் இருந்தார் என்றோ எனக்கே தெரியாது  என்று அவர் கூறினார்.

முன்னதாக, ஜாலான் ஆயர் பூத்தே பகுதியில் உள்ள ஒரு வீட்டில், தனது காதலனுடன் ஏற்பட்ட வாக்குவாதத்தைத் தொடர்ந்து கழுத்தை நெரித்துக் கொல்லப்பட்டதாக நம்பப்படும் ஒரு மாணவி இறந்து கிடந்ததாக ஊடகங்கள் செய்தி வெளியிட்டிருந்தன.

விசாரணைக்கு உதவுவதற்காக சந்தேக நபர் காவலில் வைக்கப்பட்டுள்ளார்.

அதே நேரத்தில் பாதிக்கப்பட்டவரின் அடையாளத்தை போலிசார் இன்னும் வெளியிடவில்லை.

- பார்த்திபன் நாகராஜன்