துன் மகாதீர் முழுமையாக குணமடையும் வரை ஐஜேஎன் மருத்துவமனையில் தங்கியிருப்பது நல்லது: முக்ரிஸ்

கோலாலம்பூர்:

முன்னாள் பிரதமர் துன் மகாதீர் முழுமையாக குணமடையும் வரை ஐஜேஎன் மருத்துவமனையில் தங்கியிருப்பது நல்லது.

அவரின் மகன் டத்தோஸ்ரீ முக்ரிஸ் மகாதீர் இதனை கூறினார்.

70 ஆண்டுகளாகத் தனது வாழ்க்கைத் துணையாக இருந்த மனைவியின் மறைவை முழுமையாக ஏற்றுக்கொள்ள துன் டாக்டர் மகாதீர் முஹம்மதுவுக்கு சிறிது காலம் தேவைப்படுகிறது.

தற்போது இங்குள்ள தேசிய இருதய மருத்துவமனையின் கண்காணிப்பில் இருக்கும் தனது தந்தையின் உடல்நிலை குறித்த தற்போதைய நிலவரங்களை அவர் பகிர்ந்து கொண்டார்.

வீட்டில் நிலவும் சூழல், கடந்த திங்கட்கிழமை காலமான தனது அன்பு மனைவி, மறைந்த துன் டாக்டர் சித்தி ஹஸ்மா முஹம்மது அலியை அவருக்கு நினைவூட்டும்.

இதனால் தற்போதைக்குத் தனது தந்தை முதலில் ஐஜேஎன்-இல் (இருப்பது நல்லது என்று முக்ரிஸ் கூறினார்.

இந்த நிலைமை தனது தந்தையின் உடல்நலத்தில் வெளிப்படக்கூடும் என்றும் அவர் கூறினார்.

- பார்த்திபன் நாகராஜன்