இந்தோனேசியா நாட்டின் வெளியுறவுத்துறை அமைச்சராக அர்மநாத நாசிர் நியமனம் 

ஜகார்த்தா: 

இந்தோனேசியா நாட்டின் புதிய வெளியுறவுத்துறை அமைச்சராக அர்மநாத நாசிர் நியமிக்கப்பட்டுள்ளார். 

இந்தோனேசிய அதிபர் பிரபோவோ சுபியான்டோ தனது அமைச்சரவையில் அதிரடியான மாற்றங்களைச் செய்து புதிய வெளியுறவு அமைச்சரை நியமித்துள்ளார்.

ஐக்கிய நாடுகள் அவையின் முன்னாள் நிரந்தரப் பிரதிநிதியாகப் பணியாற்றிய அர்மநாத நாசிர், வெளியுறவுத்துறையில் பெரிய மாற்றங்களை ஏற்படுத்துவார் என்று எதிர்பார்க்கப்படுகிறது.

முன்னதாக கடந்த செப்டம்பர் 14 அன்று, நாட்டின் நிதியமைச்சர் பூர்பயா யுதி சதேவா அதிரடியாகப் பணியிலிருந்து நீக்கப்பட்டார்.

அவருக்குப் பதிலாக துணை நிதியமைச்சராக இருந்த சுவாகாசில் நசாரா புதிய நிதியமைச்சராகப் பொறுப்பேற்றுக் கொண்டார்.

இந்த நிதித்துறை மாற்றமானது, பொருளாதார முதலீட்டாளர்கள் மத்தியில் பெருத்த வரவேற்பைப் பெற்றுள்ளது.

குறுகிய காலத்திற்குள் அமைச்சரவையில் மேற்கொள்ளப்பட்டுள்ள இந்தத் தொடர் மாற்றங்கள் அரசியல் வட்டாரத்தில் பெரும் பேசுபொருளாகியுள்ளது

-மவித்திரன்