புதைக்கப்பட்டு 24 மணி நேரத்திற்கு பின் 11 மாதக் குழந்தை உயிருடன் மீட்கப்பட்டது

லெக்சிங்டன்:

தென் கரோலினாவில் உள்ள ஒரு வனப்பகுதியில், கிட்டத்தட்ட 24 மணி நேரம் புதைக்கப்பட்டிருந்ததாக நம்பப்பட்ட 11 மாத ஆண் குழந்தை நேற்று உயிருடன் மீட்கப்பட்டது.

பாதிக்கப்பட்டவர் ஒரு குழியில் புதைக்கப்பட்டிருந்த நாய் கூண்டில் துண்டில் சுற்றப்பட்ட நிலையில் கண்டுபிடிக்கப்பட்டதாக லெக்சிங்டன் ஷெரிப் துறை உறுதிப்படுத்தியது.

அதிகாரிகள் மேற்கொண்ட ஒரு மாபெரும் தேடுதல் நடவடிக்கையைத் தொடர்ந்து, அழுதுகொண்டிருந்த குழந்தை கண்டுபிடிக்கப்பட்டது ஒரு அதிசயம் என்று லெக்சிங்டன் ஷெரிப் ஜே கூன் கூறினார்.

கொள்ளை, கைது நடவடிக்கையிலிருந்து தப்பித்தல் ஆகிய குற்றச்சாட்டுகளின் பேரில் குழந்தையின் தந்தை மைக்கேல் கோமர் கைது செய்யப்பட்டதை காவல்துறை உறுதிப்படுத்தியது.

அதே நேரத்தில், குழந்தை கண்டுபிடிக்கப்பட்டது தொடர்பான கூடுதல் குற்றச்சாட்டுகள் மாவட்ட வழக்கறிஞர் அலுவலகத்தால் ஒருங்கிணைக்கப்பட்டு வருகின்றன என்று அவர் கூறினார்.

- பார்த்திபன் நாகராஜன்