காட்டுத்தீ அணைக்கும் முயற்சியில் ஹெலிகாப்டர் விழுந்தது: ஒருவர் பலி

ஜகார்த்தா:

இந்தோனேசியாவில் காட்டுத்தீயை அணைக்கும் பணியில் ஈடுபட்டிருந்த ஹெலிகாப்டர் விழுந்து நொறுங்கியது.

ஒருவர் உயிரிழந்தார்

ஆற்றில் தண்ணீரை சேகரித்தபோது விபத்து நேர்ந்ததாக உள்ளூர்ப் பேரிடர் அமைப்பு தெரிவித்தது.

ஹெலிகாப்டரில் இருந்த ஆஸ்திரேலியாவைச் சேர்ந்த இரண்டு அதிகாரிகள் பாதுகாப்பாக உள்ளனர்.

தண்ணீரை நிரப்பிய பிறகு ஹெலிகாப்டர் மெதுவாகக் கீழே இழுக்கப்படுவது காணொலியில் தெரிகிறது.

கடந்த புதன்கிழமை காட்டுத்தீயை அணைக்கும் முயற்சியில் இருந்த மற்றொரு ஹெலிகாப்டர் விபத்துக்குள்ளானது.

அதில் மூவர் மாண்டனர்.

கடந்த சில மாதங்களாகப் பற்றி எரியும் காட்டுத்தீயைக் கட்டுப்படுத்த இந்தோனேசியா போராடுகிறது.

அதிலிருந்து கிளம்பிய புகைமூட்டம் பக்கத்திலுள்ள சிங்கப்பூர், மலேசியா, திமோர்-லெஸ்ட்டே ஆகிய நாடுகளுக்கும் பரவியது.

ஆதாரம்:AFP