விமானிகளுக்குள் சண்டை: துபாயிலிருந்து இஸ்ரேலுக்கு பறந்துகொண்டிருந்த விமானம் சவுதியில் தரை இறங்கியது

துபாய்:

துபாயிலிருந்து இஸ்ரேலுக்குச் சென்றுகொண்டிருந்த விமானம், சவுதி அரேபியாவுக்கு மேலே பறந்தபோது மிக வேகமாகக் கீழிறங்கியது.

விமானம் புறப்பட்ட இரண்டு மணி நேரத்திற்குப் பிறகு சம்பவம் நடந்தது.

Flightradar24 தரவுகளை BBC ஆய்வு செய்ததில் இது தெரியவந்தது.

உள்ளூர் நேரப்படி காலை 8.21 மணிக்கு முன்பு விமானம் 34,000 அடி உயரத்தில் பறந்துகொண்டிருந்தது.

அடுத்த இரண்டு நிமிடத்தில் அது 17,000 அடிக்கும் அதிகமாகக் கீழிறங்கியது.

சுமார் 10 நிமிடங்களுக்குப் பிறகு விமானத்திலிருந்து அவசர சமிக்ஞை அனுப்பப்பட்டது.

அதன்பிறகும் விமானத்தின் உயரத்தில் குறிப்பிடத்தக்க ஏற்ற இறக்கங்கள் பதிவாகின.

இறுதியில் விமானம் சவுதி அரேபியாவின் தபூக் (Tabuk) விமான நிலையத்தை நோக்கிச் சென்றதாகக் கிடைத்த தரவுகள் காட்டுகின்றன.

விமானிகளுக்கு இடையே சண்டை மூண்டதால் விமானம் சவுதி அரேபியாவில் அவசரமாகத் தரையிறங்கியிருக்கிறது.

Flydubai FZ1073 விமானம் இஸ்ரேலுக்குப் போகும் வழியில் ஜோர்தான் ஆகாயவெளியில் சவுதி அரேபியா நோக்கித் திரும்பியது.

ஆதாரம்: BBC