மலாக்கா தேர்தல்; தேசிய முன்னணி, நம்பிக்கை கூட்டணி  தவிர வேறு எந்தக் கட்சியுடனும் இணைந்து பணியாற்ற நம்பிக்கை கூட்டணி தயாராக உள்ளது:  காலித் அப்துல்

அலோர்காஜா:

16ஆவது மலாக்கா மாநிலத் தேர்தலை எதிர்கொள்ள நம்பிக்கை கூட்டணி, தேசிய முன்னணி இணைந்து பணியாற்றாது.

இந்த விவகாரம் நம்பிக்கை கூட்டணியால் முடிவு செய்யப்பட்டுவிட்டது.

இதுவரை தேசிய முன்னணி, தேசியக் கூட்டணி தவிர வேறு எந்தக் கட்சியுடனும் இணைந்து பணியாற்ற இந்தக் கூட்டணி தயாராக உள்ளது என்று அமனா தகவல் தொடர்பு இயக்குனர் காலித் அப்துல் சமாத் கூறினார்.

தேசிய முன்னணியுடன் இணைந்து பணியாற்றுவதற்கான எந்தவொரு வாய்ப்பையும் நாங்கள் ஏற்க மாட்டோம்.

தேசிய முன்னணி, தேசியக் கூட்டணியுடன் இணைந்து பணியாற்ற விரும்பினால், அது அவர்களின் உரிமை, அவர்கள் விருப்பம்.

தேசியக் கூட்ட்ணியை பொறுத்தவரை, நாங்கள் நிலைநிறுத்தும் கொள்கைகளின் அடிப்படையிலேயே போட்டியிடுவோம் என்று இன்று தொடர்பு கொண்டபோது அவர் கூறினார்.

முன்னதாக இரு கட்சிகளுக்கும் இடையிலான சந்திப்பில் இதுவரை எந்த முன்னேற்றமும் ஏற்படாததைத் தொடர்ந்து, மலாக்கா மாநிலத் தேர்தலை எதிர்கொள்ள இணைந்து பணியாற்றுவதற்கான சாத்தியக்கூறுகள் குறித்த தனது நிலைப்பாட்டைத் தெளிவுபடுத்துமாறு நம்பிக்கை கூட்டணி தேர்தல் இயக்குனர் டத்தோஶ்ரீ அமிரூடின் ஷாரி தேசிய முன்னணியை கேட்டுக்கொண்டார்.

- பார்த்திபன் நாகராஜன்