உள்நாட்டு, வெளிநாட்டு சரக்குகளின் வரி விதிப்பு குறித்து கடல்சார் தொழில்துறையினர் விளக்கம் கோரியுள்ளனர்

கிள்ளான்:

மலேசிய கச்சா எண்ணெய், வெளிநாட்டு சரக்குகளின் வரி விதிப்பு குறித்து சமீபத்தில் எழுப்பிய பிரச்சினை தொடர்பாக தெளிவான விளக்கம் தேவைப்படுகிறது.

வரி கொள்கைகளை செயல்படுத்துவதில் சில விஷயங்கள் கருத்தில் கொள்ளப்படுகின்றன என்பதைப் புரிந்து கொள்ளப்பட்டது.

ஆனால் வரி விதிப்பில் உள்ள வேறுபாட்டிற்கான அடிப்படை குறித்து தெளிவான புரிதலைப் பெற விரும்புவதாக டத்தோஶ்ரீ ஆர். ஜெயேந்திரன் கூறினார்.

மலேசிய கச்சா எண்ணெய்க்கு தற்போது 10% வரி விதிக்கப்படுவதாகவும், அதே நேரத்தில் வெளிநாட்டு சரக்குகளுக்கு சில சூழ்நிலைகளில் விலக்கு அளிக்கப்படுவதாகவும் கருதப்படுகிறது.

என் பார்வையில், உள்நாட்டு சரக்குகளுக்கும் விலக்கு அளிக்க வழிவகை செய்ய வேண்டும். ஏனெனில் இது மலேசியாவிலேயே அதிக செயல்முறைகளை மேற்கொள்ள உதவும் என்று அவர் ஒரு அறிக்கையில் கூறினார்.

சுங்க வரி, சரக்குகள் கொண்டு செல்லப்படுவது தொடர்பான பிரச்சினை குறித்து செப்டம்பர் 25 அன்று நிதி அமைச்சுடன் நடத்திய கலந்துரையாடல்களைத் தொடர்ந்து இந்த அழைப்பு விடுக்கப்பட்டது.

இந்த நடவடிக்கை, நாட்டில் மிகக் குறைந்த கந்தக எரிபொருள் எண்ணெய் பதப்படுத்துதல்,  வர்த்தக நடவடிக்கைகளை ஊக்குவிப்பதோடு, உள்ளூர் நிறுவனங்களுக்கு அதிக வாய்ப்புகளைத் திறக்கும் ஆற்றலைக் கொண்டுள்ளது என்று டத்தோஶ்ரீ ஜெயந்திரன் கூறினார்.

சரக்குகள் தொடர்பான வரி விதிப்புக் கட்டமைப்பு,  விதிமுறைகள் அனைத்துத் தரப்பினருக்கும் மேலும் விரிவாக விளக்கப்பட்டால், உள்ளூர் தொழில்துறை மேலும் வளர்ச்சி காணும் திறன் கொண்டது என்று அவர் கூறினார்.

- பார்த்திபன் நாகராஜன்