சித்தி ஹஸ்மாவின் உடல் நல்லடக்கத்திற்காகத் தேசிய நினைவிடத்திற்கு எடுத்துச் செல்லப்பட்டது

செர்டாங்: 

துன் டாக்டர் சித்தி ஹஸ்மா முஹம்மது அலியின் உடல், தாமான் சுங்கை பெசி இந்தாவில் உள்ள மஸ்ஜித் அஸ் ஷரிஃப் (Masjid As Syarif) பள்ளிவாசலிலிருந்து புத்ராஜெயாவின் பிரசின்க்ட் 20-ல் (Precinct 20) உள்ள தேசிய நினைவிடத்திற்கு (National Cemetery) எடுத்துச் செல்லப்பட்டது.

அஸர் தொழுகையைத் தொடர்ந்து நடைபெற்ற இறுதிச் சடங்கு பிரார்த்தனைகளுக்குப் பிறகு, அப் பள்ளிவாசலிலிருந்து உடல் எடுத்துச் செல்லப்பட்டது.

உடல் கொண்டு செல்லப்பட்ட வாகனத்தைத் தொடர்ந்து, குடும்ப உறுப்பினர்கள், அரசியல் தலைவர்கள், நெருங்கிய நண்பர்கள் பயணித்த வாகனங்களும் சென்றன.

டாக்டர் சித்தி ஹஸ்மாவின் கணவரும் முன்னாள் பிரதமருமான துன் டாக்டர் மகாதீர் முஹம்மதுவும் இறுதிச் சடங்கு பிரார்த்தனைகளுக்காக அப் பள்ளிவாசலில் உடனிருந்தார்.

100 வயதான டாக்டர் சித்தி ஹஸ்மா, இன்று காலை 9.20 மணிக்கு தேசிய இதயக் கழகத்தில் (IJN) காலமானார்.

அரசாங்கத்தால் வழங்கப்படும் 'தேசிய முக்கியத்துவம் வாய்ந்த பிரமுகருக்கான அரசு இறுதிச் சடங்கு' (State Funeral of a National Dignitary) மரியாதையுடன், புத்ராஜெயாவின் பிரசின்க்ட் 20-ல் உள்ள தேசிய நினைவிடத்தில் அவரது உடல் நல்லடக்கம் செய்யப்படும்.

- ஃபிதா