துன் டாக்டர் சித்தி ஹஸ்மாவின் உடல் புத்ராஜயா பிரசிண்ட் 20-ல் அடக்கம் செய்யப்படவுள்ளது

கோலாலம்பூர்:

துன் டாக்டர் சித்தி ஹஸ்மா முகமது அலியின் உடல், இன்று மாலை தொழுகைக்காக, இங்குள்ள தமன் சுங்கைபீசி இந்தாவில் அமைந்துள்ள அஸ் ஷரீஃப் பள்ளிவாசலுக்கு எடுத்துச் செல்லப்படும்.

இன்று மாலை அசர் தொழுகைக்குப் பிறகு, ஜனாசா தொழுகை, புத்ராஜயாவில் உள்ள பிரசிங்க்ட் 20 மயானத்தில் நல்லடக்கம் செய்யப்படுவதற்கு முன்னர், அவருக்காகப் பிரார்த்தனை செய்யப்படும் என்று அறிவிக்கப்பட்டுள்ளது.

முன்னதாக, இன்று காலை 10.48 மணிக்கு, அவரது உடல் இங்குள்ள தேசிய இதய மருத்துவமனையில் இருந்து சிலாங்கூர், ஸ்ரீ கெம்பாங்கன், தி மைன்ஸில் உள்ள அவரது இல்லத்திற்கு கொண்டுவரப்பட்டது என்பது குறிப்பிடத்தக்கது.

- பார்த்திபன் நாகராஜன்