கோல பிலாவில் மாணவர் மரணம்; பகடிவதை கூறுகள் குறித்து போலிஸ் விசாரணை: வேப் புகைத்ததற்காக பாதிக்கப்பட்டவர் தாக்கப்பட்டதாகக் குற்றச்சாட்டு

சிரம்பான்:

கோல பிலாவில் உள்ள ஒரு பள்ளி விடுதியில், இரண்டாம் படிவ மாணவர் ஒருவர் உயிரிழந்த சம்பவத்தில், கொடுமைப்படுத்தும் கூறுகள் இருந்திருக்க வாய்ப்புள்ளதா என்பது குறித்து போலிஸ் தீவிரமாக விசாரித்து வருகிறது. 

பாதிக்கப்பட்டவர் வேப் புகைத்ததாகக் கூறப்படுவதால் தாக்கப்பட்டார் என்ற குற்றச்சாட்டும் இதில் அடங்கும்.

நெகிரி செம்பிலான் போலிஸ் தலைவர் டத்தோ அல்சாஃப்னி அஹ்மத்,

இந்தக் குற்றச்சாட்டுகள் தொடர்பான தகவல்கள் தமது துறைக்குக் கிடைத்துள்ளதாது.

இந்தச் சம்பவத்தில் கொடுமைப்படுத்தும் கூறுகள் இருந்தனவா என்பதைத் தீர்மானிக்க விசாரணைகள் இன்னும் நடைபெற்று வருவதாக தெரிவித்தார்.

முன்பு ஏதேனும் கொடுமைப்படுத்துதல் நடந்ததா என்பதைக் கண்டறிய விசாரணைகள் இன்னும் நடந்து வருகின்றன.

வேதியியல் துறையிடமிருந்து அறிக்கைக்காக போலிசார் இன்னும் காத்திருப்பதால், பிரேதப் பரிசோதனை முடிவுகள் இன்னும் பெறப்படவில்லை என்று அல்சாஃப்னி கூறினார்.

- பார்த்திபன் நாகராஜன்