மலாக்கா மாநிலத் தேர்தல்; தேசிய முன்னணியுடன் இணைந்து செயல்படுவது உட்பட எந்தவொரு சாத்தியக்கூறையும் எதிர்கொள்ள பாஸ் கட்சி தயாராக உள்ளது: துவான் இப்ராஹிம்

கோத்தாபாரு:

மலாக்கா மாநிலத் தேர்தலை எதிர்கொள்வதில், தேசிய முன்னணியுடன் இணைந்து செயல்படுவதா அல்லது வேண்டாமா என்பது உட்பட எந்தவொரு சாத்தியக்கூறையும் எதிர்கொள்ள பாஸ் கட்சி தயாராக உள்ளது.

பாஸ் கட்சியின் துணைத் தலைவர் டத்தோஸ்ரீ துவான் இப்ராஹிம் துவான் மான், கட்சியின் எந்தவொரு முடிவையும் கட்சி அமைப்பு பின்பற்றும் என்று கூறினார்.

கூட்டணியுடன் தேசிய முன்னணி பேச்சுவார்த்தை நடத்துவதைப் பொறுத்தவரை, எனக்கு உறுதியாகத் தெரியவில்லை.

மேலும் ஒத்துழைப்பு இருக்குமா இல்லையா என்பதைப் பொருட்படுத்தாமல் நாங்கள் தயாராக இருக்கிறோம்.

இருப்பினும், பாஸ் கட்சி, அரசியல் ஒருமித்த கருத்துடைய கூட்டாளிகளுடன் இணைந்து, மலாக்கா மாநிலத் தேர்தலில் வெற்றியை அடைய தங்களால் இயன்ற அனைத்தையும் செய்யும்.

பாஸ் கட்சி எந்தவொரு தேர்தலையும் ஒருபோதும் சாதாரணமாக எடுத்துக்கொண்டதில்லை.

மேலும் நெகிரி செம்பிலானில் கிடைத்த வெற்றி அலை மலாக்காவிலும் தொடரும் என்று நாங்கள் நம்புகிறோம்  என்று அவர் கூறினார்.

- பார்த்திபன் நாகராஜன்