நாட்டில் தீவிரமடையும் புகைமூட்டம்: செரியானில் காற்றின் தரம் ஆரோக்கியமற்ற நிலையில் பதிவு 

கோலாலம்பூர்: 

நாட்டில் தீவிரமடையும் புகைமூட்டத்தால் சரவாக் மாநிலத்தின் செரியானில் காற்றின் தரம் ஆரோக்கியமற்ற நிலையில் பதிவானது 

இன்று காலை 9 மணி வரை அப்பகுதியில் காற்றின் தரம் 151ஆக பதிவு செய்யப்பட்டது 

இந்நிலையில் நாடு முழுவதும் 63 இடங்களில் காற்றின் தரம் மிதமான அளவிலும் ஆரோக்கியமற்ற நிலையிலும் பதிவு செய்யப்பட்டன 

சரவாக், ஶ்ரீ அமானில் 98ஆகவும் கோலாலம்பூர் செராஸில் 69ஆகவும் சிலாங்கூர் கிள்ளானில் 62ஆகவும் சபா கிமானிசில் 56ஆகவும் காற்றின் தரம் மதிப்பீடு செய்யப்பட்டது 

API அளவீடு 0 முதல் 50 வரை நல்ல காற்றின் தரத்தையும், 51 முதல் 100 வரை மிதமான தரத்தையும், 101 முதல் 200 வரை ஆரோக்கியமற்ற தரத்தையும், 201 முதல் 300 வரை மிகவும் ஆரோக்கியமற்ற தரத்தையும் குறிக்கிறது. மேலும், 300-க்கு மேற்பட்ட API அளவீடு அபாயகரமான அளவைக் குறிக்கிறது

-மவித்திரன்