இஸ்லாமிய வெறுப்பு, இணையவழி வெறுப்பை எதிர்த்துப் போராட மலேசியா உறுதி கொண்டுள்ளது: ஐ.நா.வில் முஹம்மது ஹசான்

லண்டன்:

இஸ்லாமிய வெறுப்பு, மதப் பாகுபாடு, இணையதளங்கள் உட்பட வெறுப்புப் பேச்சு பரவுவதை எதிர்த்துப் போராடுவதற்கான தனது உறுதிப்பாட்டை மலேசியா மீண்டும் வலியுறுத்தியுள்ளது.

ஐக்கிய நாடுகள் நாகரிகங்களின் கூட்டமைப்பின் நண்பர்கள் குழுவின் உயர்மட்டக் கூட்டத்தில் உரையாற்றிய வெளியுறவு அமைச்சர் டத்தோஸ்ரீ முஹம்மது ஹசான், 

இஸ்லாமிய வெறுப்பு உட்பட, உலகம் முழுவதும் அதிகரித்து வரும் சகிப்பின்மை, அந்நியர் வெறுப்பு, மதப் பாகுபாட்டைக் குறைத்து மதிப்பிட முடியாது என்று கூறினார்.

அதே பிரச்சினையைக் கையாள்வதற்காக ஒரு சிறப்புப் பிரதிநிதியை நியமிக்கும் நாட்டின் நடவடிக்கைக்கு இணங்க, இஸ்லாமிய வெறுப்பை எதிர்த்துப் போராட ஐ.நா. சிறப்புத் தூதர் ஒருவரை நியமிப்பதை மலேசியா வரவேற்பதாக அவர் தெரிவித்தார்.

வெறுப்புப் பேச்சைப் பரப்புவதில் டிஜிட்டல் தளங்களின் பங்கு அதிகரித்து வருவது குறித்தும் முஹம்மது ஹசான் எச்சரித்தார்.

டிஜிட்டல் தளங்கள் பிளவு, அந்நியப்படுத்தலுக்கான களங்களாக மாறுவதற்குப் பதிலாக, ஆக்கப்பூர்வமான உரையாடலுக்குப் பாதுகாப்பானவையாக இருப்பதை உறுதிசெய்ய, ஒரு பொறுப்பான டிஜிட்டல் சூழலமைப்பை உருவாக்க தொழில்நுட்ப நிறுவனங்கள், குடிமைச் சமூகம், உறுப்பு நாடுகள் ஒன்றிணைந்து செயல்பட வேண்டும் என்று நாங்கள் கேட்டுக் கொள்கிறோம்  என்று அவர் கூறினார்.

- பார்த்திபன் நாகராஜன்