கால்வாயிலில் விழுந்த பந்தை எடுக்க முயன்ற 4 சிறுவர்கள் மரணம்: கூலிமில் சம்பவம்

கூலிம்:

கூலிமில் கால்வாயிலில் விழுந்த பந்தை எடுக்க முயன்ற 4 சிறுவர்கள் மரணமடைந்தனர்.

இங்குள்ள தாமான் தேசா கயாங்கன் பகுதியில் நீரில் மூழ்கி உயிரிழந்த நான்கு சிறுவர்கள், ஒரு பந்தை எடுக்க முயன்றபோது வடிகாலில் விழுந்திருக்கலாம் என நம்பப்படுகிறது.

கூலிம் மாவட்ட போலிஸ் தலைவர் ஷம்சுல் சின்ரிங்கிற்கு இந்த விஷயத்தை உறுதிப்படுத்தினார்.
பாதிக்கப்பட்டவர்கள் அனைவரும் கால்பந்து விளையாடிக் கொண்டிருந்தபோது இந்தச் சம்பவம் நடந்ததாக நம்பப்படுகிறது.

அவர்கள் பயன்படுத்திக் கொண்டிருந்த பந்து கால்வாயிலில் விழுந்ததாகத் தெரிகிறது.

பந்து கீழே விழுவதற்கு முன்பு, பாதிக்கப்பட்டவர்கள் அனைவரும் அதை எடுக்க முயன்றனர் என்று அவர் கூறினார்.

கால்வாயிலின் மதிப்பிடப்பட்ட ஆழம் சுமார் 10 அடி (மூன்று மீட்டருக்கும் மேல்), அதன் அகலம் சுமார் 6 அடி (1.82 மீட்டர்) ஆகும்.

பாதிக்கப்பட்ட அனைவரும் கூலிம் மருத்துவமனையிலிருந்து, அலோர் செத்தாரில் உள்ள சுல்தானா பஹியா மருத்துவமனையின்தடயவியல் துறைக்கு பிரேதப் பரிசோதனைக்காகக் கொண்டு செல்லப்படுவார்கள் என்று அவர் கூறினார்.

முன்னதாக, 12 வயதுடைய இரண்டு சிறுவர்கள் நீரில் மூழ்கி இறந்த நிலையில் கண்டெடுக்கப்பட்டனர். 

அதே சமயம், குடியிருப்புப் பகுதியில் உள்ள கால்வாயிலில் விழுந்த அவர்களது எட்டு மற்றும் 11 வயதுடைய இரண்டு நண்பர்கள் மருத்துவமனைக்கு அவசரமாகக் கொண்டு செல்லப்பட்டனர்.

இருப்பினும், மூன்றாவது, நான்காவது பாதிக்கப்பட்டவர்கள் மருத்துவமனைக்குக் கொண்டு செல்லப்படும் வழியிலேயே இறந்து விட்டதாக உறுதி செய்யப்பட்டது.

- பார்த்திபன் நாகராஜன்