சிங்கப்பூரில் ‘ஹபீபி’ திரைப்பட பாராட்டு விழா; இயக்குநர் மீரா கதிரவனுடன் சிறப்பு சந்திப்பு: ராயல் கிங்ஸ் குழுமம் சார்பில் ஆதரவு

சிங்கப்பூர்:

சிங்கப்பூரில் ‘ஹபீபி’ திரைப்படத்தை கௌரவிக்கும் வகையில் சிறப்பு பாராட்டு விழா நடைபெற்றது. இந்த விழாவில் திரைப்படத்தின் இயக்குநர் மீரா கதிரவன் சிறப்பு விருந்தினராக கலந்து கொண்டு சிறப்பித்தார்.

‘ஹபீபி’ திரைப்படம் இஸ்லாமிய பண்பாடு, நம்பிக்கைகள் மற்றும் சமூகத்தின் அழகிய அம்சங்களை எடுத்துரைக்கும் வகையில் அமைந்துள்ளது. இஸ்லாமிய விழுமியங்களையும் சமூக ஒற்றுமையையும் முன்னிறுத்தும் கருத்துகளுக்கு முக்கியத்துவம் அளிக்கும் இந்தப் படைப்பை கௌரவிக்கும் வகையில் இந்த பாராட்டு விழா நடைபெற்றது.

ஜாமியா சிங்கப்பூர், சிங்கப்பூர் இந்திய முஸ்லிம் பேரவை (FSIM), நாகூர் தர்கா இந்திய முஸ்லிம் பாரம்பரிய மையம் மற்றும் பிஸ்மி இஸ்லாமிய வானொலி ஆகிய அமைப்புகள் இணைந்து இந்த சிறப்பு நிகழ்ச்சியை ஏற்பாடு செய்திருந்தன.

இந்த விழாவிற்கு ராயல் கிங்ஸ் குழுமம் பெருமையுடன் ஸ்பான்சராக ஆதரவு வழங்கியது.

விழாவில் சிங்கப்பூரின் பல்வேறு பகுதிகளைச் சேர்ந்த தொழிலதிபர்கள், வர்த்தகர்கள் மற்றும் சமூகப் பிரமுகர்கள் திரளாக கலந்து கொண்டு நிகழ்ச்சியை சிறப்பித்தனர்.

 இயக்குநர் மீரா கதிரவனுடன் சந்திப்பு

விழாவின் முக்கிய நிகழ்வாக, ராயல் கிங்ஸ் குழுமத்தின் நிர்வாகத்தினர் மற்றும் சிங்கப்பூர் வர்த்தக சமூகத்தைச் சேர்ந்த முக்கிய பிரமுகர்கள், ‘ஹபீபி’ திரைப்படத்தின் இயக்குநர் மீரா கதிரவனை சந்தித்து கலந்துரையாடினர்.

இந்த சந்திப்பு அன்பான வரவேற்புடனும், மகிழ்ச்சியான கலந்துரையாடலுடனும் நடைபெற்றது. இயக்குநர் மீரா கதிரவனுடன் நடைபெற்ற இந்த சந்திப்பு விழாவில் கலந்து கொண்டவர்களுக்கு சிறப்பான நினைவாக அமைந்தது.

சமூக நிகழ்வுகளுக்கு தொடர்ந்து ஆதரவு

சமூகத்துடன் இணைந்து செயல்படுவதற்கும், சமூக நலன் மற்றும் சமூக ஒற்றுமையை முன்னிறுத்தும் நிகழ்வுகளுக்கும் ராயல் கிங்ஸ் குழுமம் தொடர்ந்து முக்கியத்துவம் அளித்து வருகிறது.

சமூக அமைப்புகள், தொழிலதிபர்கள் மற்றும் பொதுமக்களை ஒன்றிணைக்கும் வகையிலான பயனுள்ள நிகழ்ச்சிகளுக்கு ஆதரவு வழங்குவதை ராயல் கிங்ஸ் குழுமம் தனது சமூகப் பொறுப்பின் முக்கிய அங்கமாகக் கருதி செயல்பட்டு வருகிறது.

அந்த வகையில், சிங்கப்பூரில் நடைபெற்ற ‘ஹபீபி’ திரைப்பட பாராட்டு விழாவுக்கு ராயல் கிங்ஸ் குழுமம் ஸ்பான்சராக இணைந்து ஆதரவு வழங்கியது குறிப்பிடத்தக்கது.

- ஃபிதா