ஆலய இடிப்புப் போராட்டத்திற்குப் பின்னணியில் இருந்த ஆர்வலர் கைது செய்யப்பட்டார்

கங்கார்:

கடந்த  ஆகஸ்ட் 22 அன்று இங்கு ஆலயம் இடிக்கப்பட்டது தொடர்பாக சமூக ஊடகங்களில் தேசத் நிந்தனை பதிவுகளை வெளியிட்டது குறித்த விசாரணைகளுக்கு உதவுவதற்காக, ஒரு ஆர்வலர் இன்று முதல் இரண்டு நாட்களுக்கு நீதிமன்றக் காவலில் வைக்கப்பட்டுள்ளார்.

கங்கார் காவல் நிலையத் தலைவர் யுஷரிஃபுடின் முகமது யூசோப் ஒரு அறிக்கையில், ஆலோசகராகப் பணிபுரியும் 55 வயதான அந்த நபர், நேற்று சிலாங்கூர், பெட்டாலிங் ஜெயாவில் கைது செய்யப்பட்டதாகக் கூறினார்.

கலவரங்களைத் தூண்டக்கூடும் என்று அஞ்சப்பட்ட ஒரு கூட்டத்தை ஏற்பாடு செய்வது தொடர்பான அந்த ஆர்வலரின் டிக்டாக் பதிவுகள் குறித்து, ஆகஸ்ட் 22 முதல் 27 வரை தனது துறைக்கு 14 புகார்கள் வந்ததாக அவர் கூறினார்.

சட்டத்திற்கும் தற்போதுள்ள சட்டங்களுக்கும் எதிரான செயல்களை ஆதரிக்குமாறு சமூகத்தைத் தூண்ட அந்த ஆர்வலர் விரும்பியதாக சந்தேகிக்கப்படுவதாக யுஷரிஃபுதீன் கூறினார்.

இந்த வழக்கு, 1948 ஆம் ஆண்டின் தேசத்துரோகச் சட்டத்தின் பிரிவு 4(1), 1998 ஆம் ஆண்டின் தகவல் தொடர்பு,  பல்லூடகச் சட்டத்தின் பிரிவு 233 ஆகியவற்றின் கீழ் விசாரிக்கப்பட்டு வருகிறது என்று அவர் கூறினார்.

- பார்த்திபன் நாகராஜன்