பெற்றோர் அனுமதியின்றி சிறார் விவரங்கள் சேகரித்த TikTok: US$400 மில்லியன் இழப்பீடு தர ஒப்புதல்

வாஷிங்டன்:

அமெரிக்காவில் இணையத்தில் சிறார்களின் அந்தரங்கத்தைப் பாதுகாக்கத் தவறிய விவகாரத்தில் TikTok செயலியும் அதன் உரிமையாளரான சீனாவின் ByteDance நிறுவனமும் 400 மில்லியன் டாலர் இழப்பீடு தர இணங்கியுள்ளன.

அமெரிக்க நீதித்துறையுடன் சமரசம் காண அந்தத் தொகையை வழங்க நிறுவனங்கள் இணங்கின.

TikTok, ByteDance நிறுவனங்கள் மீது ஈராண்டுக்கு முன்பு அமெரிக்க நீதித்துறை வழக்குத் தொடுத்தது.

13 வயதுக்கும் குறைவான பிள்ளைகளிடம் தனிப்பட்ட விவரங்களைப் பெறுவதற்குமுன் பெற்றோரிடம் அனுமதி வாங்க வேண்டும்.

அந்தச் சட்டத்தை TikTok மீறியதாக அமெரிக்க நீதித்துறை குற்றஞ்சாட்டியது.

TikTok உடனே 300 மில்லியன் டாலர்  கொடுக்கவும் பின்னர் 100 மில்லியன் டாலர் தரவும் ஒப்புக்கொண்டது.

- ஆர்யன்