சரவாக் மாநிலத்தின் 10 இடங்களில் IPU காற்றின் குறியீடு ஆரோக்கியமற்ற நிலையில் பதிவு

கூச்சிங்: 

சரவாக் மாநிலத்தின் 10 இடங்களில் காற்றின் தர குறியீடு ஆரோக்கியமற்ற நிலையில் பதிவு செய்யப்பட்டுள்ளது. 

கூச்சிங்கில் 181, சமரஹான் 178, ஶ்ரீ அமான் 174, சரிகேய் 171 காற்றின் தரம் ஆரோக்கியமற்ற நிலையில் பதிவாகியுள்ளது 

சரவாக்கில் செரியான் பகுதியில் அதிகமாக 191 காற்றின் தரம் பதிவு செய்யப்பட்டது 

தீபகற்ப மலேசியாவின் மலாக்கா மாநிலத்தில் புக்கிட் ரம்பாய் பகுதியில் காற்றின் தர குறியீடு 140ஆக பதிவாகியது. 

முன்னதாக, சரவாக் மாநிலத்தில் புகைமூட்டம் தீவிரமடைந்ததால் அம்மாநிலத்தில் செயல்பட்டு வந்த 591 பள்ளிகளும் மூடப்படுவதாக நேற்று மாநில கல்வி இலாகா அறிவிப்பு ஒன்றை வெளியிட்டிருந்தது. 

IPU காற்றின் தர குறியீடு 0 முதல் 50 வரை நல்ல காற்றின் தரத்தையும் 51 முதல் 100 வரை மிதமான தரத்தையும், 101 முதல் 200 வரை ஆரோக்கியமற்ற தரத்தையும், 201 முதல் 300 வரை மிகவும் ஆரோக்கியமற்ற தரத்தையும் குறிக்கிறது.

மேலும், 300-க்கு மேற்பட்ட API அளவு அபாயகரமானது என்று வரையறுக்கப்பட்டுள்ளது.

-மவித்திரன்