பேராக் மாநில மந்திரி பெசாரின் அரசியல் செயலாளர் ராஜினாமா:  சராணி முஹம்மத் உறுதிப்படுத்தினார்

ஈப்போ: 

பேராக் மாநில மந்திரி பெசாரின் அரசியல் செயலாளர் ஹமிடி பஹாருதீன் தனது பதவியிலிருந்து விலகிவிட்டார் என்று மந்திரி பெசார் சராணி முஹம்மத் உறுதிப்படுத்தினார் 

ஆகஸ்ட் 17 முதல் அமலுக்கு வரும் வகையில் தனது பதவியை ராஜினாமா செய்துள்ளதை உறுதிப்படுத்தியுள்ளார்.

கடந்த ஆகஸ்ட் 10 அன்று கிடைக்கப்பெற்ற அந்த ராஜினாமா கடிதத்தில், தனது உடல்நலக் குறைபாடே இந்த முடிவுக்குக் காரணம் என்றும், மருத்துவச் சிகிச்சை பெற தனக்குக் கால அவகாசம் தேவைப்படுவதாகவும் ஹமிடி குறிப்பிட்டுள்ளதாக சராணி முஹம்மத் கூறினார்.

முன்னதாக, இன்று இங்கு நடைபெற்ற 'Invest in Perak Day 2026' தொடக்க விழாவிற்குப் பிறகு செய்தியாளர்களிடம் பேசிய சராணி  தனது அரசியல் செயலாளர் குறித்துச் சமூக வலைத்தளங்களில் பரவி வந்த பல்வேறு ஊகங்களுக்குப் பதிலளிக்கும் வகையில் இந்த விளக்கத்தை அளித்தார்.

-மவித்திரன்