மாணவர் பாதுகாப்புக் கொள்கையை விரிவாக விளக்குவதற்கு அவகாசம் அளித்து கல்வியாளர்கள் அமைதியாக இருக்க வேண்டும்: ஃபட்லினா

கோலாலம்பர்:

சமீபத்தில் பல தரப்பினரிடையே கவலையை ஏற்படுத்தியுள்ள பள்ளி மாணவர் பாதுகாப்புக் கொள்கையின் செயலாக்கத்தை கல்வியமைச்சு விவரிப்பதற்கு, கல்வியாளர்கள் அமைதியாக இருந்து அவகாசம் அளிக்குமாறு கேட்டுக்கொள்ளப்படுகிறார்கள்.

மாணவர்கள், ஆசிரியர்கள் மற்றும் அனைத்துப் பள்ளி ஊழியர்களின் பாதுகாப்பிற்கு முன்னுரிமை அளித்து, மாணவர்களுடன் தொடர்புடைய அனைத்துத் தரப்பினருக்கும் முழுமையான பாதுகாப்பை உறுதி செய்வதற்காக இந்தக் கொள்கை வகுக்கப்பட்டுள்ளது என்று கல்வியமைச்சர் ஃபட்லினா சிடேக் கூறினார்.

பள்ளியில் ஒரு சம்பவம் நடந்தால், அனைத்துத் தரப்பினரின் பொறுப்புகள் மற்றும் எடுக்கப்பட வேண்டிய நடவடிக்கைகள் குறித்தும் இந்தக் கொள்கை விரிவான வழிகாட்டுதலை வழங்குகிறது.

ஆசிரியர்களால் வெளிப்படுத்தப்பட்ட ஒவ்வொரு கவலைக்கும் பதிலளிக்கவும் ஆராயவும், சம்பந்தப்பட்ட தரப்பினருடன் ஒரு சிறப்பு அமர்வை நடத்துமாறு கல்வித்துறை தலைமை இயக்குநர் மற்றும் கல்வி அமைச்சகத்தின் சட்ட ஆலோசகரிடம் நான் கேட்டுக் கொண்டுள்ளேன்.

பாதுகாப்பான பள்ளிச் சூழலை உருவாக்குவதற்காக, ஒவ்வொரு திட்டச் செயலாக்கமும் கவனமாகவும் பொறுப்புடனும் மேற்கொள்ளப்படுவதை உறுதி செய்வதில் கல்வியமைச்சு உறுதியாக உள்ளது என்று அவர் இன்று தனது முகநூல் கணக்கில் பதிவிட்டுள்ளார்.

- பார்த்திபன் நாகராஜன்