ரொனால்டோ, ஜார்ஜினாவின் திருமணம் போர்த்துகலில் நடைபெற்றது

லிஸ்பன்:

கால்பந்து நட்சத்திர வீரரான கிறிஸ்டியானோ ரொனால்டோவும், அவரது துணைவியார் ஜார்ஜினா ரோட்ரிக்ஸும், நேற்று போர்த்துகலில் உள்ள கஸ்காய்ஸ் என்ற சுற்றுலாத் தலத்தில் நடந்த விழாவில் திருமணம் செய்து கொண்டதாக அந்த வீரரின் பிரதிநிதி தெரிவித்துள்ளார்.

41 வயதான ரொனால்டோ, திருமண மோதிரங்கள் அணிந்த தம்பதியரின் கைகளின் புகைப்படத்தை இன்ஸ்டாகிராமில் பகிர்ந்துள்ளார்.
அத்தம்பதியரின் ஐந்து பிள்ளைகளும் விழாவில் கலந்துகொண்டனர் என, அந்த வீரரின் மக்கள் தொடர்பு நிறுவனமான பிரன்ஸ்விக் குரூப், ஏஎப்பி செய்தி நிறுவனத்திடம் தெரிவித்தது.

சமூக ஊடகப் பிரபலமாகவும் விளங்கும் 32 வயதான ரோட்ரிக்ஸ், இன்ஸ்டாகிராமில் தங்களது நிச்சயதார்த்தத்தை அறிவித்துச் சரியாக ஒரு வருடத்திற்குப் பிறகு, இந்தத் தம்பதியினர் திருமணம் செய்து கொண்டனர்.

2016இல் மாட்ரிட்டில் உள்ள ஒரு கடையில் ரோட்ரிக்ஸ் பணிபுரிந்தபோது அவர்கள் சந்தித்தனர். 

அந்த சந்திப்பை ரோட்ரிக்ஸ் முதல் பார்வையிலேயே காதல் என்று வர்ணித்தார் என்பது குறிப்பிடத்தக்கது.

- பார்த்திபன் நாகராஜன்