ஐரோப்பா சூப்பர் கிண்ணத்தை வெல்ல உனேய் எமெரி இலக்கு

சால்ஸ்பர்க்:

ஐரோப்பா சூப்பர் கிண்ண போட்டியில் ஐரோப்பிய சாம்பியன்களான பிஎஸ்ஜியை எதிர்கொள்ளத் தயாராகும் அஸ்டன் வில்லா நிர்வாகி உனேய் எமெரி, கிளப்பை அடுத்த கட்டத்திற்கு தொடர்ந்து கொண்டு செல்வதில் உறுதியாக உள்ளார்.

கடந்த மே மாதம் நடந்த ஐரோப்பா லீக் இறுதிப் போட்டியில் ஃபிரைபர்க்கை 3-0 என்ற கோல் கணக்கில் வீழ்த்தி, அஸ்டன் வில்லா தொடக்கப் போட்டியில் தனது இடத்தை உறுதி செய்தது. 

இது எமெரிக்கு இப்போட்டியில் ஐந்தாவது பட்டத்தையும், 1996-ல் லீக் கிண்ணத்தை வென்ற பிறகு கிளப்பின் முதல் பெரிய கிண்ணத்தையும் பெற்றுத் தந்தது.

1982ஆம் ஆண்டு இறுதிப் போட்டியில் பேயர்ன் முனிச்சை வீழ்த்தி ஐரோப்பியக் கிண்ணத்தை வென்ற பிறகு, பார்சிலோனாவை வீழ்த்தி சூப்பர் கிண்ணத்தை வென்ற பின்னர், அஸ்டன்வில்லா பெற்ற முதல் கண்ட அளவிலான வெற்றியாகவும் இந்த வெற்றி அமைந்தது.

நான் அஸ்டன் வில்லாவில் நான்கு ஆண்டுகளாக இருக்கிறேன். நாங்கள் செயல்பட்ட விதமும், வீரர்கள் செயல்பட்ட விதமும் எனக்கு மகிழ்ச்சியளிக்கிறது.

ஆக அஸ்டன் வில்லா அணியை அடுத்தக் கட்டத்திற்கு கொண்டு செல்வதே எனது இலக்கு என்று அவர் கூறினார்.

- பார்த்திபன் நாகராஜன்