காற்பந்து கோல் அடித்த மகிழ்ச்சியில் பிரேசிலிய வீரர் சுரங்கப்பாதைக்குள் குதித்தார் 

சௌ பவ்லோ: 

பிரேசில் நாட்டின் பிரேசிலீராவோ லீக் கால்பந்து போட்டியில், கொரிடிபா அணியின் ஆட்டக்காரர் ஜாசி மரான்ஹாவோ அடித்த மகிழ்ச்சியில் மைதானத்தின் தடுப்புச் சுவரைத் தாண்டிச் சென்று சுரங்கப் பாதையில் தவறி விழுந்தார்.

எனினும், தாம் தற்போது நலமாக மீண்டு வருவதாக அவர் திங்கட்கிழமை தெரிவித்ததாக செய்திகள் வெளியாகியுள்ளன.

ஷாபெகோயென்ஸ் அணிக்கு எதிரான ஆட்டத்தின் போது, வேகத்தில் மைதானத்தின் ஓரத்திலிருந்த விளம்பரப் பலகையைத் தாண்டிப் குதித்த போது, ஆடை மாற்றும் அறைக்குச் செல்லும் படிக்கட்டுகள் உள்ள சுரங்கப் பாதையில் அவர் திடீரென மறைந்தார்.

பின்னர் அவர் மேலேயேறித் தடுமாறி வந்து சக வீரர்களுடன் கொண்டாட்டத்தைத் தொடர்ந்த காணொளி சமூக வலைத்தளங்களில் வைரலாகப் பரவி வருகிறது.

இருப்பினும், காணொளி உதவி நடுவர் பரிசீலனைக்குப் பிறகு அந்த இலக்கு ஆஃப்சைட் என அறிவிக்கப்பட்டு ரத்து செய்யப்பட்டது.

காலில் ஏற்பட்ட வலி காரணமாக இரண்டாம் பாதியில் ஜாசி மாற்றப்பட்ட போதிலும், கொரிடிபா அணி 2-1 என்ற கோல் கணக்கில் வெற்றி பெற்றது.

கட்டிடத்திலிருந்து கீழே விழுவது போன்ற அச்சமூட்டும் உணர்வு தமக்கு ஏற்பட்டதாகக் கூறிய அவர், தற்போது காயம் குணமாகி வருவதாகவும் சமூக ஊடகத்தில் பதிவிட்டுள்ளார்.

-மவித்திரன்