கழிவறை கிண்ணத்தில் நிரப்பப்பட்ட சோடா பானத்தை விரைந்து குடிக்கும் போட்டி: பொதுமக்கள் கண்டனம் 

மாஸ்கோ- 

ரஷ்யாவில் உள்ள ஒரு ஷாப்பிங் மையம், கழிவறை கிண்ணத்தில் நிரப்பப்பட்ட சோடா பானத்தை மிகக் விரைவாகக் குடித்து முடிக்கும் போட்டியை நடத்தியதற்காக பொதுமக்களின் கடுமையான கண்டனத்திற்கு ஆளாகியுள்ளது.

இந்தப் போட்டியில் வெற்றி பெறுபவருக்கு 1,200 அமெரிக்க டாலர்கள் பரிசாக வழங்கப்படும் என்று 'இன்கோர்'  செய்தி தளம் தெரிவிக்கிறது.

Game of Thrones என்று பெயரிடப்பட்ட இந்தப் போட்டி, சமீபத்தில் ஸ்டாவ்ரோபோல் நகரில் நடைபெற்றது.

'@wildemation.news' என்ற இன்ஸ்டாகிராம் பக்கத்தில் வெளியிடப்பட்ட வீடியோவில், போட்டியாளர்கள் கழிவறை கிண்ணத்தில் ஊற்றப்பட்ட சோடா பானத்தை அவசரமாகக் குடிக்க முண்டியடிப்பது பதிவாகியுள்ளது.

உள்ளூர் செய்தியாளர் அலெக்சாண்டர் நெவ்சோரோவ், பணம் கிடைத்தால் மக்கள் எதை வேண்டுமானாலும் செய்யத் தயாராக இருக்கிறார்கள் என்பதை இந்த வீடியோ கிளிப் காட்டுவதாகத் தெரிவித்தார்.

இந்த வீடியோ 3,100-க்கும் மேற்பட்ட பார்வைகளைப் பெற்று, மக்களிடையே பல்வேறு வகையான எதிர்வினைகளையும் விமர்சனங்களையும் ஏற்படுத்தியுள்ளது.

-மவித்திரன்