அமெரிக்காவின் புதிய வரி விதிப்புக்குச் சீனா கடும் கண்டனம் 

பெய்ஜிங்- 

கட்டாய உழைப்பு குற்றச்சாட்டு தொடர்பாக அமெரிக்கா சீனா உட்பட 59 நாடுகளுக்கு இறக்குமதி பொருட்கள் மீது புதிய வர்த்தக வரியை விதித்துள்ளது. 

இந்நிலையில் வாஷிங்டன் வர்த்தகப் போரை தூண்ட வேண்டாம் என்று பெய்ஜிங் எச்சரிக்கை விடுத்துள்ளது. 

அமெரிக்கா புதிதாக அறிவித்துள்ள வரி விதிப்புகள் 10 விழுக்காடு முதல் 12.5 விழுக்காடு வரை மாறுபடுகின்றன.

இதில் சீனாவிற்கு மிக அதிகபட்சமான வரி விகிதம் விதிக்கப்பட்டுள்ளது.

எந்தவொரு ஒருதலைப்பட்சமான வரி விதிப்பு நடவடிக்கைகளையும் நாங்கள் முழுமையாக எதிர்க்கிறோம். வரிப் போர்களும் வர்த்தகப் போர்களும் எந்தத் தரப்பிற்கும் நன்மையைத் தராது என்று சீனா நாட்டின் வெளியுறவு அமைச்சின் செய்தி தொடர்பாளர் லின் ஜியான் கூறினார். 

நடப்பாண்டின் தொடக்கத்தில் அமெரிக்க அதிபர் டொனால்ட் டிரம்ப் கொண்டு வந்த உலகளாவிய வரி விதிப்பின் காலக்கெடு முடிந்ததைத் தொடர்ந்து, இந்த புதிய வரிகள் அமல்படுத்தப்பட்டுள்ளன.

தற்போது அமெரிக்கா எடுத்துள்ள இந்த அதிரடி நடவடிக்கை இரு நாடுகளுக்கும் இடையே மீண்டும் வர்த்தகப் பதற்றத்தை ஏற்படுத்தியுள்ளது.

-மவித்திரன்