பிரேசில் காற்பந்து சகாப்தம் பீலே அணிந்திருந்த உலகக் கிண்ண ஜெர்சி 4.9 மில்லியன் அமெரிக்க டாலருக்கு விற்கப்பட்டது 

வாஷிங்டன் - 

பிரேசில் வென்ற முதல் உலகக் கோப்பை இறுதிப் போட்டியில், கால்பந்து ஜாம்பவான் பீலே அணிந்திருந்த ஜெர்சி, வியாழக்கிழமை அன்று அமெரிக்காவில் நடந்த ஏலத்தில் 4.9 மில்லியன் அமெரிக்க டாலர்களுக்கு விற்கப்பட்டது.

'தி கிங்' என்று செல்லப்பெயர் பெற்ற அந்த பிரேசிலிய தாக்குதல் வீரர், 1958-ல் போட்டியை நடத்திய நாடான ஸ்வீடனுக்கு எதிராக தனது நாடு 5-2 என்ற கோல் கணக்கில் வெற்றி பெற்ற ஆட்டத்தில் இரண்டு கோல்களை அடித்தபோது அவருக்கு வயது 17.

நியூயார்க்கில் உள்ள சோதேபிஸ் ஏல நிறுவனத்தில், பெயர் வெளியிட விரும்பாத ஒரு வாங்குபவர் மற்ற நான்கு ஏலதாரர்களைப் பின்னுக்குத் தள்ளி அந்த நீல நிறச் சட்டையை வாங்கியதைத் தொடர்ந்து, அது ஏலத்தில் விற்கப்பட்ட இரண்டாவது அதிக விலை கொண்ட ஜெர்சியாக ஆனது.

1986 மெக்சிகோ உலகக் கோப்பையில் இங்கிலாந்துக்கு எதிரான ஒரு புகழ்பெற்ற காலிறுதிப் போட்டியின்போது அர்ஜென்டினா நட்சத்திர வீரர் மரடோனா அணிந்திருந்த ஜெர்சிக்காக 9.3 மில்லியன் அமெரிக்க டாலர்கள் என்ற சாதனை விலை நிர்ணயிக்கப்பட்டுள்ளது.

அந்த ஆட்டத்தில் அர்ஜெண்டினா அணி 2-1 என்ற கோல் கணக்கில் இங்கிலாந்து அணியை வீழ்த்தியது. இரு கோல்களையும் டியேகோ மராடோனா புகுத்தினார்.

-மவித்திரன்